NDF kezkatuta dago bi abiadurako suspertzearekin

Aurreko iragarpenetan baino baikorrago azaldu da Nazioarteko Diru Funtsa: %6raino igo du aurten munduko BPGaren hazkundea (+0,5) eta %4,4raino datorren urtekoa (+%0,2). Edonola ere, NDF kezkatuta azaldu da, beldur baita koronabirusaren krisiak ez ote dituen aldeak handituko herrialde aberatsen eta txiroen artean, lehenengoetan txertaketa askoz bizkorrago doalako, eta ekonomia suspertzeko neurri indartsuagoak hartu dituztelako. Ondorioz, NDFk uste du aberatsetan arrasto txikia utziko duela krisiak, eta sakonagoa, berriz, pobreetan, batez ere turismoarekiko menpekotasuna dutenetan.