Albistea entzun
Emakumeen aurkako indarkeriari ez
Emakumeen aurkako indarkeriari ez

Gerra Ukrainan

Putinen ustez, zigorrak «erronka handi bat» dira Errusiarentzat

Igor Susaeta -

2022ko uztailak 19

EB Europako Batasuna Errusiaren aurkako beste zigor sorta bat prestatzen ari dela eta, Vladimir Putin Kremlineko buruak atzo aitortu zuen Bruselak eta nazioarteak ezarritako neurri ekonomiko horiek «erronka handi bat» direla Errusiarentzat. Hori bai, ohartarazpen bat ere egin zuen, Interfax berri agentziak jasotakoaren arabera: «Ez dugu amore emango, eta ez ditugu hamarkada batzuk atzera egingo garapenean».

Mendebaldean, zenbaitek adierazi dute zigorrek Errusiaren garapenari eragingo diotela. «Argi dago ezin garela garatu mundutik at. Baina ez da hala izango. Gaur egungo munduan ezinezkoa da konpas batekin murru erraldoi bat altxatzea», adierazi zuen Putinek, garapen estrategikorako proiektu nazionalen kontseiluaren bileran. Kontuan hartuta Errusiak «ikaragarrizko zailtasunei» aurre egin behar diela, azpimarratu zuen «modu eraginkorrean» erabiliko dituztela herrialdearen «aurrerapauso teknologiko burujabeak».

Talde komunitarioko estatuetako atzerri ministroak Bruselan bildu ziren atzo —edizio hau ixteko orduan, oraindik ez zituzten iragarriak zigor berriak—, eta Errusiari urrea erosteko debekua ezartzea zen hizpidera ekarritako neurrietako bat. Josep Borrell EBko diplomaziaburuak esan zuen Ukrainari laguntzen jarraituko dutela. Hala, 500 milioi euroko diru sail bat onartu zuen atzo klubak, herrialdeak bultzatzeko armak modu bateratuan erostera, iritzita herrialde horien armategiak murriztu egin direla Ukrainara bidalitakoengatik.

Ministroen bileraren harira, Dmitro Kuleba Ukrainako Atzerri ministroak eskaera bat egin zien. «Nire mezua hau da: arma gehiago Ukrainarentzat, zigorrak Errusiarentzat, eta erantzukizun penala», idatzi zuen Twitterren. Kremlini egotzi zion gerra gatibuak xede politikoetarako erabiltzea, eta haiei «tratu humanoa» emateko eskatu zuen.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Guardia Zibila Espainia eta Marokoren arteko muga zaintzen, martxoan hainbat migratzailek hesia igarotzeko ahalegina egin ostean, Melillan. ©MIGUEL OSES / EFE

Espainiaren eskua heriotzetan

Mikel O. Iribar

Bi ikerketaren arabera, Espainiako Gobernuak ere erantzukizuna izan zuen Melillako hesian gertaturikoan. GKEek eta oposizioak atakan jarri dute Grande-Marlaska; asteazkenean azalpenak emango ditu berriz ere.
SDFen jarraitzaileak, joan den igandean, martxa batean, Qamishlin (Rojava). ©EFE

Turkiarekiko jarrera «gogortzeko» eskatu diete SDFek aliatuei

A. Perez Zala

Kurduak gehiengo diren koalizio militarraren komandanteak esan du Estatu Islamikoa erasoak prestatzen ari dela Ankarak lurreko operazio militarra agintzen duenerako
Pakistango Lahore hirian atzo egin zuten manifestazio bateko irudi bat. ©RAHAT DAR / EFE

NBEk dirua eskatu du emakumeen eskubideen aldeko taldeentzat

Ander Perez Zala

Guterresek esan du gobernuek %50 handitu behar dutela mugimenduentzako funtsa 2026rako. Emakumeen eta nesken kontrako indarkeria giza eskubideen urraketa «nagusitzat» jo du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.