DHLko langileen batzarrak ontzat hartu du beren ordezkariek zuzendaritzarekin lan itunari buruz lortutako akordioa. Horren ondorioz, azken 70 egunetan egindako greba amaitzea erabaki dute Aguraingo (Araba) plataforma logistikoko langileek.
ELAk zorionak eman dizkie DHLko langileei, hitzartutako ituna «oso ona» iruditu baitzaio. «Langileek egin duten borroka duinaren arrakasta are pozgarriagoa da kontuan izanik aldarri nagusiak ez zirela soldata igoerara mugatzen, baizik eta batez ere plantillako kolektiborik ahulen eta prekarioenen baldintzak hobetzen saiatu direla». Izan ere, bi aldeek hitzartu dute aldi baterako kontratua zuten zortzi langile finko egitea eta tresnak ezartzea behin-behinekotasun epeak bete dituztenei kontratu mugagabeak egitea.
Lan itun batek 70 eguneko greba amaitu du DHLn
Iruzkinak
Ez dago iruzkinik
Ordenatu