Albistea entzun

Irabazleak saria dauka

Athleticek eta Eibarrek derbia jokatuko dute gaur San Mamesen. Atzealdeko taldeak urrundu ditzake garaileak

Aitor Manterola -

2019ko otsailak 23

Aparteko garrantzia dauka gaur gauean San Mamesen Athleticek eta Eibarrek jokatuko duten derbiak, irabazleak atzean utziko lukeelako jaitsieraren mamua neurri handi batean. Sailkapenaren erdian daude bi taldeak, Eibar puntu bat goitik dela, eta gaurko irabazleak gertu izango luke 40 puntuen langa, datorren sasoian ere Lehen Mailan jokatzea, beraz.

Bi taldeak ari dira helburu horren bila, abiapuntua ezberdina izan bazuten ere. Athletic ibili da Eibar baino larriago orain arte, eta asko kosta zaio atzetik burua ateratzea. Gipuzkoarrak ez dira hain larri ibili, baina jaitsierako taldeak ahalik eta gehien urruntzeko nahian dabiltza aspalditik.

Etxekoen artean ez da batere dudarik hau dutela denboraldiko une onena. Gaizka Garitanok taldearen ardura hartu zuenetik partida bakarra galdu du, Anoetako derbia, eta San Mamesen alerik galdu gabe dabil. «Oso bolada onean gaude, eta batez ere, etxean ari gara erakusten hori», esan zuen atzo Garitanok. Eibarren kasuan ere gutxi galtzen ari da azkenaldian, eta egiten ari den jokoak ere oinarri sendoa ematen die aurrera jarraitzeko. «Oso pozik nago ondo ari garelako jokatzen», adierazi zuen atzo Jose Luis Mendilibarrek, armaginen entrenatzaileak.

Irin guztiak ez dira, ordea, zuri, eta bi taldeetan badute zer hobetu. Athleticen kasuan, garbi utzi du Garitanok zein duten gabezia handiena: «Asko kostatzen ari zaigu golak sartzea». Eibarri dagokionez, etxetik kanpo Liga honetan partida bakarra irabazi du: «Kostatzen ari zaigu Ipuruatik kanpo nagusitzea, baina jokoa ona ari da izaten», esan zuen Mendilibarrek.

Konfiantza aldetik indartsu daude bi taldeak. Estiloen aldetik, berriz, bat eta bakarraren aldekoa da Mendilibarren taldea, eta ez du inor harrituko gaur plazaratzen duen moldeak. «Ausartak izan behar dugu», esan du Zaldibargo entrenatzaileak. Garitanoren Athletic ere ari da nortasuna hartzen, baina moldagarriagoa da, egoera eta molde ezberdinak erakusten ari delako.

San Mamesen azalduko ez diren jokalarien artean, Athleticen Cordoba dago, entrenatzaileak hala erabaki duelako, eta Eibarren hogeiko zerrenda osatu du Mendilibarrek. Ramis eta Calavera ez dira joango, minez daudelako. Berezia izango da gaurkoa hainbatentzat, aurkariarekin ere aritu direlako Capa, Dani Garcia, Yuri, Garitano, Mendilibar eta Arbilla.

ATHLETIC-EIBAR

Athletic. Herrerin; Capa, Yeray, Iñigo, Yuri; Dani Garcia, Beñat; De Marcos, Raul Garcia, Muniain; Williams.

Eibar. Dmitrovic; Peña, Arbilla, Bigas, Jose Angel; Orellana, Diop, Jordan, Cucurella; Enrich eta Charles.

Epailea. Melero Lopez.

Lekua. San Mames (53.000 ikusle).

Ordua. 20:45ean (Bein La Liga).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Bera Berako jokalariak, duela bi urte Barakaldon irabazi zuten Espainiako Kopako titulua ospatzen. ©MARISOL RAMIREZ / FOKU

Ez da irabazteaz nekatzen

Ainara Arratibel Gascon

Bera Berak zazpigarrenez lor dezake bihar liga, Elxen aurka puntu bat lortuz gero. Taldeak urteak daramatza goian, bulegoetan eta kantxan egindako lan onari esker.

 ©EFE

Quino Colomek ezingo du bihar Baskoniarekin debuta egin

Aitor Manterola Garate

Andorrako joko antolatzailea fitxatu du Gasteizko taldeak denboraldia amaitu arte. Biharko partida, Joventuten aukakoa, atzeratu egin da, positibo gehiago azaldu direlako TD Systems Baskonian.

Bi bikoteak, konforme pilotekin

Inolako kexarik ez pilotekin

Aitor Manterola Garate

Elezkano-Zabaletak eta Peña-Albisuk Binakako Txapelketako igandeko finalerako pilotak hautatu dituzte, Bizkaia pilotalekuan. Peña eta Albisuren bat da ezberdina: bizixeagoa

Mikel Merino eta David Silva, sasoi honetan Valentziaren aurka jokatutako partidan. ©JAVIER ETXEZARRETA / EFE

Armazoia berregin beharrean

Jon Ander De la Hoz

Realean azken asteetan izandako lesioek gabeziak eragin dituzte taldearen jokoan. Mikel Merino eta David Silva jokalariak falta izateak bide batzuk zabalarazi du bestela antolatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.