Noiz sortua: 2018-04-20 00:30:00

Priscilla Band. Musika taldea

«James Brownek belarriz sortzen zuen dena; horregatik maite dugu»

Bilboko taldeak 'Aste Nagusia 2016' DVDa kaleratu zuen iaz, Bilbon zuzenean grabatua. Asteburuan aurkeztuko dute beren funk proposamen dantzagarria, Donostian eta Bilbon.
ELECTRIC BULEGOA Tamaina handiagoan ikusi

Mikel Lizarralde -

2018ko apirilak 20

Garai bateko funk bandak bezala, kidez oparoa da Priscilla Band. Bederatzi lagunek osatzen dute taldea, eta funka du oinarri, edo, zehatzago esanda, deep funka. Bi disko ditu argitaratuak (Olor a Fonk eta Xalala Kale), eta baita Bilboko Aste Nagusian filmatutako DVD bat ere. Gaur Donostian izango dira jotzen —Dabadaban, 20:30ean—, eta igandean, Bilbon —Nave 9 tabernan, 13:00etan—. Posta elektronikoz erantzun ditu galderak Joseba Negro teklistak.

Musika beltza DNAn izan duzue betidanik?

Ez dugu jakin azken hamarkadaraino. Baina behin harrapatzen zaituela, ez dago alde egiterik. Euskal Herriko beste hainbat gaztek bezala, 18 urterekin metala egiten genuen. Niri dagokidanez, piano jotzailea naizenez, oso aspergarria iruditzen zitzaidan eraketa prozesu guztia; duda asko nituen. Guztiz kontrakoa gertatu zitzaidan doinu afro-amerikarrekin. Edozein tresna gehitu daiteke, zuzenekoak askoz ere biziagoak dira, entzuleek eta musikariek bat egiten dute... Komunitate baten ospakizuna bihurtzen da.

Deep funk gisa definitzen duzue zuen musika...

James Brownen ostean sortzen diren doinuak biltzen ditu deep funkak. 70eko hamarkadaren hasieran sortu ziren. Erritmo nahasiagoak, hipnotikoagoak dira...

Zein izan dituzue irakasle?

James Brown, Aretha Franklin, Etta James, Otis Redding, The MGs, The JBs, Sam Cooke, Muddy Waters... Funk, soul, blues doinuen maisuak. Bluesetik dator dena. Hizkuntza komuna bihurtu zen beste estilo guztietarako: jazz, rhythm and blues, soul, funk... Eta gaur egungoak: DapTone Records-ek ekoizten duen dena (Sharon Jones, Lee Fields, Sugarman3...), Poets of Rhythm, Lafayette, The Sound Stylistics, Sweet Vandals...

Garai onak dira musika beltzarentzat?

Ez dut gura berekoi itxura eman, baina ez Bilbon, ez [Espainiako] Estatuan ez dago gu bezalako talde bat. Bihotz eta neke handia jarri dugu garena izatera heldu arte. 2017a eman dugu geure ametsetako estudioa gure eskuekin sortzen. % 100 analogikoa. Eta geu gara produktore, konpositore, moldatzaile, interprete.

Zuzenean grabatutakoa da zuen azken lana, Aste Nagusia 2016 DVDa.

Gure ametsa zen. Eta horretarako esfortzu ikaragarria egin genuen. Hilabete asko prestatzen egon ondoren, emozioa eta urduritasuna alde guztietan igartzen zen. Azkenengo kolpea, eta zelako poza, festa, txaloak... Ez dago sari hoberik.

James Brown omendu zenuten haren heriotzaren 10. urtemugan. Zer da Brown zuentzat?

2016ko apirilean izan zen, Izar&Star zikloaren barruan. Oso polita izan zen, eta baliagarria maite dugun artista baten musikaren ezaugarriak aztertzeko. James Brown, antza, pertsona bortitza zen. Hala ere, haren produkzio sorta harrigarria da. Musika idatzia ez zekien: dena belarriz sortzen zuen. Horregatik maite dugu.

Nolakoak dira zuen zuzenekoak?

Zuzenekoak alaiak, dantzagarriak, geldiezinak dira. Euskal Herriko edozein jaitan falta diren horietarikoak.

Zer asmo duzue etorkizunerako?

Groove berriak ditugu esku artean. Errepidera bueltatzeko ordua heldu da. Estatutik eta Europatik geure soulfunkgroove bortitzena eroateko gogo izugarria dugu. Denboraldia bukatu ostean, hirugarren luzea ateratzeko prestaketekin hasiko gara... Agian, Olentzerok benetako ikatz beltza ekarriko du aurten... Ikusiko dugu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.843 gaixok eman dute positibo guztira, koronabirusa atzemateko probaren bat eginda. Horietatik 2.096 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna