Noiz sortua: 2020-02-15 00:30:00

Asteburuko proposamenak

Euskal Herria josten

Iparra-Hegoa eguna ospatuko dute gaur Larresoron, Bernat Etxepare lizeoko ikasle ohiek antolatuta. Egitasmoak 25 urte beteko ditu aurten
2018an Seguran izan zen Iparra-Hegoa jaialdiko herri bazkaria.
2018an Seguran izan zen Iparra-Hegoa jaialdiko herri bazkaria. GOIERRIKO HITZA Tamaina handiagoan ikusi

Mikel Orbañanos Iribar -

2020ko otsailak 15
Euskal Herri osoko kultura, hizkuntza, arazoak, eta ohiturak ezagutzeko eta trukatzeko xedez sortu zen Iparra-Hegoa egitasmoa. Aurten, 25 urte bete ditu mugaz bi aldeetako eragileak eta euskal herritarrak batzen dituen egitasmo horrek, eta jai nagusia Larresoron (Lapurdi) egingo dute, gaur, Baionako Bernat Etxepare lizeoko ikasle ohiek antolatuta.

Iparra-Hegoa jardunaldiak Seguran (Gipuzkoa) du jatorria. Hasieran, Segurako Elorri elkarteko kideak eta Urruñako (Lapurdi) herritarrak Goierri eskualdeko herrian elkartzen ziren festa giroan. Jendearen artean harrera ona izan zuen, eta, urtez urte, egitasmoak fruituak eman ditu; izan ere, inguruko eskualdeetako herritarrekin ere zubiak eraikitzen hasi dira. Azken batean, Iparra-Hegoa egitasmoa Euskal Herri mailan sona handia edukitzeraino ere iritsi da.

Baionako Bernat Etxepareko ikasleek 2017tik dute harremana jardunaldiarekin. Pello Aranzabal Bernat Etxepare lizeoko hezitzaileak azaldu duenez, lizeo berria hornitzeko «beharrak jota», diru-bilketa kanpaina bat jarri zuten martxan lizeoko ikasle eta gurasoek. Kanpaina Ipar Euskal Herritik Hego Euskal Herrira iritsi zen, Seguran antolatzen zen egitasmora. Hori, ordea, ez zen bidaiaren amaiera izan, hasiera baizik.

«Iparra-Hegoa egitasmoa gure lizeoko helburu pedagogikoarekin bat zetorrela ikusita, jabetu ginen Segurako festa hori oso formatu egokia zela 16 eta 18 urte bitarteko ikasleekin joateko; herri euskalduna, auzolanean oinarritua eta parekidea zelako», dio Aranzabalek. Gauzak horrela, 2018an, ikasleek jardunaldi horretan parte hartu zuten, eta ikuskizun berezia eskaini zuten. Aranzabalek aitortu du esperientzia «zinez polita» izan zela.

Jardunaldiarekin liluratuta, Etxepare lizeoko ikasleek eta ikasle ohiek Iparra-Hegoa egitasmoa antolatzeko prestutasuna erakutsi zuten, eta iaz, lehen aldiz, Baigorrin (Lapurdi) egin zuten jaialdia, zailtasunak zailtasun.

Aurten ere festa handia Lapurdin izango da, baina, oraingo honetan, Larresoron ospatuko dute. Aranzabalek aurreratu du Goierritik, Donostiatik eta Pasaiatik joateko asmoa dutela.

Ikasle ohiek egitarau oparoa antolatu dute egun osorako. Larresoroko haurren ikuskizunak emango dio hasiera festari, 11:00etan. Ondoren, pilota partidak, joaldunak, herri bazkaria eta pilota-bertso desafioa ere izango dira. Kontzertuek emango diote amaiera egunari. Oholtza gainean, Aizkolariak, Xabaltx, QQbird eta Andoni Ollokiegi taldeek joko dute, 21:00etatik ordu txikiak arte. Aranzabalek nabarmendu du Iparra-Hegoaren gisako egitasmoek bide ematen dutela lizeoko ikasleak euskalgintzara eta kulturgintzara erakartzeko. Ipar Euskal Herrian ez baita dena domaia.

Iparra-Hegoa eguna



Gaur, 11:00etan, Larresoron (Lapurdi).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 3an eguneratua, 14:00etan. ©BERRIA

Koronabirusaren azken datuak

Berria

Euskal Herrian 10.686 gaixok eman dute positibo koronabirusaren proba eginda. 597 hil dira. COVID-19 gaitza izandako 2.736 pertsonari eman diete alta. Grafikoak, albiste barruan.

Kale garbitzaile bat, Donostian. / ©Jagoba Manterola, Foku

Gutxienez hilaren 26ra arte iraungo du konfinamendu aginduak Hegoaldean

Berria

El Pais egunkariak eta TVEk baieztatu dutenez Pedro Sanchezek apirilaren 26ra arte luzatu du konfinamendua. Goizean bildu da Sanchez batzorde zientifikoarekin eta arratsaldean egingo du agerraldia. 

Ikurrina bat, Durangoko balkoi batean koronabirusak hildakoak gogoratzeko. / ©Raul Bogajo, Foku

Aberri Eguna balkoietan ospatzera deitu dute hainbat pertsona ezagunek

Jon Ordoñez Garmendia

Ikurrinak jartzeko eta ordu jakin batean euskal irratietan emango den abesti bat kantatzera deitu dute. Osasun krisian bizia galdu dutenak gogoratu, dolua adierazi eta zaintzan dabiltzanei eskerrak emateko baliatu nahi dute. (ikusi nortzuk diren sustatzaileak, albistean).

Pedro Sanchez, koronabirusaren batzorde teknikoaren bileran. / ©Espainiako Gobernua

Apirilaren 26ra arte luzatu du konfinamendua Espainiako Gobernuak

Berria

Batzorde zientifikoarekin bildu ondotik hartu du erabakia Pedro Sanchezek

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna