Noiz sortua: 2019-12-07 00:30:00

Asteburuko proposamenak

Ardoa upeletik kalera

Arabako Errioxako ardoak Gasteizko kaleak hartuko ditu asteburuan. Hiru plaza eta 80 taberna baino gehiagotan dastatu ahalko dira ardoak
Iaz jendetza bildu zen Ardoaraban, eta espero dute aurten ere hala biltzea.
Iaz jendetza bildu zen Ardoaraban, eta espero dute aurten ere hala biltzea. JAIZKI FONTANEDA / FOKU Tamaina handiagoan ikusi

Iñigo Satrustegi -

2019ko abenduak 7

Ardozaleentzako geldiune paregabea izango da Gasteiz asteburu honetan. Abenduko zubiarekin bat eginik, Ardoaraba azoka enogastronomikoa egiten ari dira hiriburuan, aurten, hamalaugarren aldia du. Ostegunean hasi zen jaialdia, eta ardoa dastatzeko aukera hiri osora zabalduko da bihar arte, Aihotz, Foru eta Probintzia plazetan jarri dituzten hiru karpetan. Haietan, Arabako Errioxako hemeretzi upategi, sei txakolindegi eta hiru sagardotegietako produktuak dastatu ahalko dira. Urteko ardoak, ardo onduak, cava, Rias Baixaseko albariñoa, laranja ardoa eta ardo urdina ere egongo dira.

Karpetan ez ezik, jateko eta edatekoez gozatzeko aukera zabala izango da ekitaldiarekin bat egin duten 80 taberna eta jatetxe baino gehiagotan. Kopa, zorroa eta ardo zein pintxoetan trukatzeko 28 puntu jaso daitezke 15 eurotan. Hala ere, trago solterik nahi duenik balego, eskudirutan ordain dezake kopa ardoa. Gainera, zenbait jatetxetan, pintxoez gain, menuak prestatuko dituzte, 19, 29 eta 49 euroren truke.

Aurten, gainera, berrikuntza bat izango du Ardoarabak: Montehermosoko ur biltegian, Summun izeneko ekitaldi «intimoa» prestatu dute gaurko. Enologo eta sotolari adituek nazioarteko ardo gidetan puntuazio bikainak jaso dituzten ardoen ezaugarriak azalduko dituzte, 12:30ean, 18:00etan eta 20:00etan. Normalean bezeroen eskura ez dauden ardoak izango dira; besteak beste, txakolinak eta Arabako Errioxako ardoak dastatu ahal izango dituzte ekitaldira biltzen direnek.

Egitarau oparoa

Haurrek ere tokia izango dute azokan; sagardogileek sagar zuku naturala emango baitute. Gainera, jarduera bereziak antolatu dituzte haurrentzat: batetik, alde zaharra jolasen bitartez ezagutzeko bisita gidatuak; eta bestetik, Foru plazako Txiki txoko gastronomikoa: gaur eta bihar, 12:30ean, sukaldaritza tailerrak egingo dituzte han.

Foru plazan bertan, Txoko Gastronomikoa jarri dute. Ostegunetik ari dira iluntzean gazta dastatzeak egiten, Jose Ramon Agiriano sukaldari gasteiztarraren eskutik. Horrez gain, ekitaldirako propio, hiriburuko jatetxeak pintxoak prestatu eta salduko dituzte.

Bestalde, iaz bezala, ibilbide berezia antolatu dute Gasteizko alde zaharrean barrena, Gune paregabeak izenarekin: ondarea eta kultura artistikoa uztartuko ditu bisitak. Atzo, Sokaren Etxera joan ziren bisita gidatua egitera; gaur, berriz, Bibat museoaren eta Goiuri jauregiaren txanda izango da. Biharko bisita gidatua Montehermoso kulturgunean egingo dute.

Iaz, 100.000 lagun bildu zituen Ardoarabak, eta aurten ere jendetza biltzea espero dute.

Ardoaraba

Gaur eta bihar, egun osoan, Gasteizen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna