Mobilizaziorako deia egin dute biharko

Herenegun, zigor epaiaren berri izan bezain laster antolatu ziren lehen mobilizazioak. Herriz herri,manifestazioak eta elkarretaratzeak egin zituzten Espainiako Auzitegi Nazionalaren erabakia gaitzesteko. Atzo ere izan ziren protestak —irudian, Azpeitikoa—, eta biharko egin du deialdi nagusia Sortuk. Manifestazioak antolatu dituzte Araba, Bizkai, Gipuzkoa eta Nafarroako hiriburuetan, 12:30etarako: Gasteizen, udaletxe plazatik; Bilbon, Arriaga antzokitik; Donostian, Artzain Onaren katedraletik, eta Iruñean, Posta plazatik.