Albistea entzun

Beste astebete luzatu dute 'mozal legearen' erreforma prozesua

Iosu Alberdi -

2021eko urriak 27

Espainiako Kongresuko Mahaiak 39. aldiz luzatu du mozal legearen erreforma proposamenari zuzenketak aurkezteko epea. Beraz, Espainiako Gobernuko koalizioko kideek gutxienez beste astebete izango dute zuzenketa bateratu bat aurkezteko. Erabakia ez da izan EAJren gustukoa. «Ez al zuten esan desblokeatu egingo zutela?», galdetu du jeltzaleen bozeramaile Aitor Estebanek. Izan ere, PSOEko eta Unidas Podemoseko kideek aurreratu zuten aste honetan onartuko zutela tramitazioak aurrera egitea.

«Urtebete daramate horrela. Iragarpen asko, eta ekintzarik ez», adierazi zuen Estebanek, Espainiako presidente Pedro Sanchezek aferaren inguruan eginiko azken hitzen ostean. Hilabete hasieran izan zen. Orduan, Sanchezek PSOEren Kongresu Federala baliatu zuen aldarrikatzeko gobernuaren lehentasunetako bat dela Herritarren Segurtasunerako Legea, PPk 2015ean onartutakoa, bertan behera uztea.

Hitz horien harira, Unidas Podemosek sozialistei eskatu zien ez blokeatzeko erreforma proiektuaren aurrerapena. Atzoko bileraren emaitza, baina, bestelakoa izan zen. Bi alderdiek azaldu zutenez, astebeteko epea eman diote elkarri zuzenketa bat adosteko. Migratzaileen berehalako itzultzeen aferak, ordea, bi aldeen arteko akordioa zailtzen du.

Iazko martxoan hasi zuen bidea mozal legearen erreforma proiektuak, EAJk aurkeztuta. COVID-19ak eragindako pandemiak lehenik, eta PSOEk lehentasuntzat hartu ez izanak gero, urtebete baino gehiago luzatu dute legea moldatzeko prozesua.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zitarik gabe txertatzeko gunea, Mutiloan (Nafarroa). ©IDOIA ZABALETA / FOKU

1.890 positibo atzeman dituzte Hego Euskal Herrian

Ion Orzaiz

Nafarroako Gobernuak ez du baztertu «neurri komunitario gehiago ezartzea», izurriaren bilakaeraren arabera

Arantxa Tapia Eusko Jaularitzako Ekonomia Garapena, Jasangarritasuna eta Ingurumen sailburua ©David Aguilar/ Efe

Ingurumen Administrazioaren Legea onartu du Eusko Legebiltzarrak

Edurne Begiristain

EAJren eta PSE-EEren botoekin egin du aurrera legeak. Oposizioak aho batez arbuiatu du araua, eta bereziki kritikatu du EAJk eta PSE-EEk interes orokorreko proiektuak izendatzeko sortutako figura berria.

Zadorra ibaia, gainezka egina, artxiboko irudi batean. ©Juana Ruiz, FOKU

Ibaiek gainezka egin dute hainbat tokitan, eta uholde arriskuak kezka piztu du

Berria

Euriteen eraginez, Zadorra eta Cadagua ibaietako ura hainbat tokitan atera da bidetik, eta zirkulazioa nabarmen korapilatu da azken orduetan. Jaurlaritzak larrialdi egoeraren bigarren fasea ezarriko du eguerdian.

Frantziako Poliziaren kontrol bat Santiagoko zubian, Irun eta Hendaia artean. ©Jagoba Manterola / FOKU

Gizon bat atxilotu dute, migratzaileak mugaz bestaldera «ilegalki» eramatea egotzita

Berria

Migratzaileak Irunen hartu, eta autoz mugaren bestaldera eramaten zituen, Espainiako Gobernuaren EAEko Ordezkaritzaren arabera. Frantziako Poliziak atzeman zuen, Luzuriagako lepoan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.