Agintera itzuli da kaisarra

Belauneko lesio larritik osatu, eta Alavesen susperraldian funtsezko eragile bihurtu da Victor Laguardia. Atzelariak segurtasun handia eman dio taldeari, eta urrezko bi gol sartu ditu.
Victor Laguardia Alavesekoa, Getaferi sarturiko gola ospatzen.
Victor Laguardia Alavesekoa, Getaferi sarturiko gola ospatzen. J. F. / FOKU Tamaina handiagoan ikusi

Eñaut Agirrebengoa -

2018ko apirilak 15

Ibili, erori eta altxatzearen oinarrizko legeaz mintzo da Berri Txarrak taldea FAQ kantan. Bada, erori ostean, Victor Laguardia ez da altxatze hutsarekin konformatu. Lesio gaiztoa izan zuen eskuineko belaunean duela ia urtebete, iazko apirilaren 23an. Zaharrak berri, 2011n ere artikulazio berean min hartu eta ebakuntza egin behar izan baitzioten. Oraingoan zazpi hilabete luzeko kalbarioa igaro zuen, harik eta azaroan senda-agiria jaso zuen arte. Urtarrilaren 10ean itzuli zen, Espainiako Kopan, eta ligan lau egun geroago izan zuen berragertzea, Sevillaren kontra. Geroztik minutu guztiak jokatu ditu ligan, eta maila apartean jardun. Inoizko sasoi punturik onentsuenean itzuli da.

Azken hilabeteetan lerro asko idatzi dira Alavesen susperraldiaz. Abelardo Fernandez jotzen da erantzule nagusitzat, hura aulkira iristearekin bat hasi baitzen taldea gora egiten. Edonola, beste aldagai batzuk ere aintzat hartu behar dira, hala nola Laguardiaren itzulera. Izan ere, atzelariaren ekarpena oinarrizkoa ari da izaten. Laguardia gabe, Alavesek hamabost puntu lortu zituen ligan jokoan izandako lehen 54etatik; bada, Laguardiarekin, 39 puntutik 20 lortu ditu. Datu horiek aztertzean, aintzat hartu behar da atzelaria ez zela izan sasoi hasierako hondamenean, eta taldea goranzko joera nabarmenean itzuli zela. Edonola, ezin uka hura izan denik Alavesen iraultzaren erantzule behinenetako bat.

Hiru zatitan banatu behar da atzelariaren ekarpena. Alde batetik, eta nagusiki, sendotasuna eta segurtasuna eman dizkio sasoiaren lehen fasean ikaragarri hauskorra izan zen defentsako lerroari. Goikako jokaldietan ia garaiezina da, eta aurrelariei bikain hartzen die aurrea. Hori gutxi ez, eta erasoan ere zeresana ari da ematen. Zentzuz ateratzen ditu baloiak atzetik, eta geldikako jokaldietan mehatxu handia da, buruz bikain errematatzen baitu. Modu horretan urrezko bi gol sartu ditu orain arte: aurrenekoa Levanteren kontra, luzapenean, markagailua hutsean zela, eta bigarrena azken jardunaldian, Getaferi, orduan ere 0-0ekoa apurtuz.

Horretaz landa, nortasunez janzten du taldea, eta hobetu egiten du taldekideen maila. Esaterako, haren alboan nabarmen egin du hobera Rodrigo Elyk. Hori guztia aintzat harturik, ez da harritzekoa Laguardia Alavesen kaisarra bezala ezaguna izatea.

Estutasunik gabeko derbia

Horiek hala, gaur ere hasieratik ipiniko du Abelardok, Alavesek Ipuruan Eibarren kontra jokatuko duen derbian. Arabarrek garaipen biziki baliotsua lortu zuten iragan jardunaldian, eta salbazioa eskura dute: zazpi jardunaldi falta direla, hamabi puntura dituzte jaitsiera postuak. Beraz, premia larririk gabe ariko dira gaur. Eibar ere ez du estutzen sailkapenak, baina Mendilibarrenek bost partida daramate irabazi gabe.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Iruñeko Erruki Etxea Nafarroako zahar etxe handiena da eta han pandemiak eragin handia izan du ©Iñigo Uriz

Zahar etxeen tamaina eta kokagunea faktore erabakigarriak izan dira COVID-19aren eraginean

Berria

Nafarroako Gizarte Errealitatearen Behatokiak lurraldeko 74 zahar etxeetan eta 14 menpekotasun zentroetan pandemiaren olatuak izandako ondorioak ikuskatu ditu txosten batean, eta hainbat gomendio eman dizkio gobernuari.

Erizain bat, PCR proba bat egiten. ©SALAS / EFE

Bigarren fasera itzultzea aztertzen ari dira Azkoienen

Ion Orzaiz

Azken lau egunetan ehundik gora positibo atzeman dituzte herrian, eta "ezohiko neurriak" ezarriko dituztela iragarri du alkateak

Familia batzuk kanpoaldetik egoiliarrak bisitatzen, Mutiloako zahar etxe batean. ©Jagoba Manterola, FOKU

Zahar etxeetako bisitak eta egoiliarren ateraldiak, malguago

Uxue Rey Gorraiz

Zaharren egoitzetarako protokolo berria onartu du Jaurlaritzak. Zabaldu eginen dira zahar etxeetara bisitak egiteko aukerak, eta egoiliarrek malgutasun handiagoa izanen dute ateraldiak egiteko. Osasun sailburuak azaldu duenez, “ikuspegi epidemiologikoa eta etikoa” hartu dira kontuan neurriak berrikusteko.

PCR probak, Donostia ospitalean. ©Idoia Zabaleta, FOKU

Ospitaleratzeek gora egin dute azken egunean

Uxue Rey Gorraiz

Beste 662 koronabirus kasu detektatu dituzte azken egunean Hegoaldean, eta 47 lagun ospitaleratu dituzte, aurreko egunean baino hamahiru gehiago. Bost pertsona hil dira, Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna