Hamar urte pasatu dira auzipetu zituztenetik; epaiketa egin zen, eta aske geratu ziren denak. Dena den, Espainiako Auzitegi Nazionalak blokeatuta dauzka Ipar Euskal Herriko sei militante abertzaleren kontuak: EHAK eta EAE-ANV alderdien aurkako auzian inputatu zituzten Giuliano Cavaterra, Zigor Goieaskoetxea eta Patricia Martinonen kasua da hori; eta Segurako operazioko Xabi Larralde, Jean-Claude Agerre eta Aurore Martinena. Aurreneko hirurak absolbitu zituzten; besteetatik, Martin epaitu zuten soilik, eta, beste auzipetuek bezala, akordioa sinatu zuen berak fiskaltzarekin —auzitegiak ez zien ezarri erantzukizun zibilik edo bermerik—.
Bi auzietan aztertu zen orduan legez kanpo zegoen Batasuna alderdiaren arlo ekonomikoa, eta hainbat militantek legezko ziren ANV eta EHAK alderdiengandik jasotzen zuten dirua ikertu zuten. Horretarako, Espainiako Auzitegi Nazionalak Frantziako Justiziari eskatu zion blokeatzeko sei pertsona horien kontuak. Orain, Espainiako auzitegiaren agindu batek soilik desblokeatuko lituzke kontuak, baina haien abokatuek salatu dute hori ez dela iristen.
Absolbitu arren, kontuak blokeatuta
Iruzkinak
Ez dago iruzkinik
Ordenatu