Rull, Turull eta Forn hurrengo astean lekualdatuko dituzte

Josep Rull, Jordi Turull eta Joaquim Forn Kataluniako Gobernuko kontseilari kargugabetuak datorren astean eramango dituzte Kataluniako kartzela batera. Estremerako espetxean daude oraindik, eta Lledonersera lekualdatuko dituzte. Han daude Oriol Junqueras, Raul Romeva, Jordi Sanchez eta Jordi Cuixart. Quim Torra Kataluniako Generalitateko presidenteak iragarri du, bestalde, Puig de les Basses kartzelara joango dela gaur, Dolors Bassa kontseilari kargugabetua eta Carme Forcadell Parlamentuko presidente zena bisitatzera.