BOST PUNTUAK

Llotja de Marreko Adierazpena sinatu duten indar independentistek esan dute ondoko bost puntuen «defentsan aritzeko adostasun politikoa lortzeko beharrizana» ikusi dutela. «Eduki hauen defentsatik abiatuta, geure herriek Espainiako Estatuarekin dauzkaten gatazka politikoak demokratikoki eta modu egonkorrean konpontzeko konpromisoa hartzen dugu». Halaber, dei egin diote nazioarteko komunitateari «konponbide hauetan lagun dezan».

Autodeterminazioa. «Geure herrien autodeterminazio eskubidea».

Bide demokratikoa eta baketsua. «Geure ekimen politiko guztien izate demokratikoa eta bakezalea».

Presoak-iheslariak. «Preso politikoen askatasuna eta erbesteratuen itzulera».

Askatasuna. «Askatasun zibil eta politikoak».

Politikak. «Geure herrien garapena ahalbidetzeko gizarte politikak eta politika ekonomikoa».