PTen jabeen ardurari erreparatu dio Tapiak

Iosu Alberdi -

2018ko martxoak 24

Eusko Jaurlaritzako Ekonomiaren Garapenerako sailburu Arantxa Tapiak azaldu du Jaurlaritzak «erabateko» konpromisoa duela Productos Tubulares enpresan inplikatzeko. Halere, adierazi du «erantzukizunik handiena» jabetzan eta kudeaketan dagoela. Langileak greba mugagabean daude, enpresak Trapagarango (Bizkaia) fabrika ixteko asmoa adierazi zuenetik.

Enpresa batzordeak ziurgabetasun egoera salatu du; langileak Eusko Legebiltzarraren aurrean elkartu ziren atzo. Tapiak, ordea, adierazi du Jaurlaritzak ez dituela ezagutzen enpresak bere bideragarritasun planean txertatutako neurriak, Productos Tubularesen eta Tubos Reunidosen fabriken ingurukoak: «Guk ez dugu dokumentu hori, eta uste dut langileek ere ez dutela».

Enpresak esan du ez dituela oraindik negoziazioak hasi, AEBetako presidente Donald Trumpek altzairuari jarri nahi dizkion muga zergen ondorioz. Tapiaren esanetan, ordea, AEBen neurriek «aurreko astean espero baino eragin txikiagoa» izango dute enpresan, Europako Batasuna neurrietatik kanpo gera daitekeelako. Beraz, azpimarratu du epe luzerako plan bat ezartzeko ordua dela.

Tubacexen hitzarmenik ez

Bestalde, Tubacexeko langileek atzera bota dute ELAk, CCOOk eta Independenteek sinatutako lan hitzarmena. Itunaren aurkako boza eskatu zuen LAB sindikatuak, «atzerakada berri bat zekarrelako», eta langileek bat egin dute iritzi horrekin. 392 beharginek egin dute lan hitzarmenaren aurka, eta 327k alde. Sindikatuak azaldu duenez, uste dutelako akordioa «guztiz eskasa» dela.

LABek adierazi du sinatzaileek izaniko jarrerak langileen hitza hartzeko aukera mugatu duela, eta azaldu du akordioak ez zuela zuzendaritzak azken lau urteetan sortutako «prekaritatea» mugatzen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna