GOMENDIOAK

Gaur egun Pirinioak nola dauden ikusita, Nafarroako Erreskate Teknikoko Taldeak mendian ibiltzeko gomendio hauek eman ditu azken egunetan:
•Material egokia erabiltzea, hau da, pioleta, kranpoiak, kaskoa eta bateria osoa duen sakelako telefono bat eramatea.
• Aluminiozko kranpoi arinak eta erraketak bestelako elur batzuetarako pentsatuta daude.
•Irten aurretik My112 doako aplikazioa deskargatu. Aplikazio horrek aukera ematen du Nafarroako larrialdiekin konektatzeko eta deiak geolokalizatzeko, sakelakoaren GPSa erabiliz. Aplikazio geoerreferentziatu horren bidez, lekua nahiko zehatz jakingo da, eta hori ezinbestekoa izan daiteke erreskatea antolatzeko. Gainera, behin deia eginda, lekuaren argazki bat bidaltzeko aukera ematen du, eta horrek oso informazio baliotsua eman diezaieke Nafarroako larrialdi eta erreskate taldeei.
•Bakarrik bidaiatuz gero, gomendagarria da ezagunen bati edo senideren bati aurreikusitako bidearen berri ematea, eta hura planifikatzea, egoera eta meteorologia egiaztatuz.
•Oro har, zuhurtziaz ibiltzea eta arreta zorroztea gomendatzen da, eta, ziurgabetasunik edo arriskurik izanez gero, buelta ematea eta norberaren segurtasunari lehentasuna ematea.