Albistea entzun

Ez dauka beste biderik

Athleticen eskaintza onartu zuen egunetik, Marcelino Garcia entrenatzaileak argi izan du gazteen aldeko apustua dela aurrera egiteko aukera bakarra. Harribitxiak zailtzen diren bitartean, «babesa» eskatu du haientzat.
Nico Williams Athleticeko jokalaria, Bartzelonako Eric Garcia atzean uzten.
Nico Williams Athleticeko jokalaria, Bartzelonako Eric Garcia atzean uzten. LUIS TEJIDO / EFE Tamaina handiagoan ikusi

Haritz Gallastegi -

2021eko urriak 7

M arcelino Garcia Athleticeko entrenatzaileak jokalari askok duten eskarmentu faltari egotzi dio taldeak partida amaieretan izaten duen urduritasuna. Harrobiaren alde egitearen ordainsaria da. «Bi aukera ditugu: gazteei aukerarik eman ez, edo zelairatu eta babestu. Athleticen eskaintza onartu nuenean, argi nuen nora nentorren. Ez baditugu zelairatzen, ez dute ikasiko neurketetako une zailei aurre egiten», esan zuen teknikari zuri-gorriak. Mezu baikorra da, ausarta. Athleticeko jarraitzaileek lehen taldeko entrenatzaileari eskatzen dioten bidea jorratzetik gertu dago. Bide batez, Lezamako lanaz berririk ez izatearen zalantzak uxatu ditu.

DANIEL VIVIAN
Beterano hasiberria

Athletici ez diote golik sartu txapelketan jokatu dituen zortzi partidetatik bostetan. Bada, Daniel Vivian (Gasteiz, 1999) da zuri-gorrien defentsako lan bikainaren erantzule nagusietako bat. Erdiko atzelaria maila harrigarria ari da ematen. Iñigo Martinezekin batera, txapelketako erdiko atzelari bikote onentsuena osatzen du. Partida gutxi jokatu ditu gorengo mailan, baina orain arte erakutsi duen jokoari segida emateko gai bada, Athleticek urte askorako jokalaria dauka: azkarra da, oldarkorra, aurrelarien aurkako buruz buruko lehiak irabazten dituena, eta goiko jokoan bi areatan da indartsua. Horretaz gain, gaztea izan arren, nortasun handia daukala erakutsi du. Gabezia gutxi ditu. Gaur-gaurkoz ordezkaezina da Marcelinorentzat. Yerayk eta Nuñezek gogor egin beharko dute lan lekua kentzeko. Beste talde batzuen arreta piztu du.

NICO WILLIAMS
Ausardia eta freskotasuna

Williams anaietan gazteena (Iruñea, 2002) Iñakiren anaia baino askoz gehiago da. Hegaleko futbolari dohatsua da. Athleticeko beheko mailetan gertutik jarraitzeko aukera izan duten aditu askorentzat, anaia baino osoagoa da. Ez da Iñaki bezain indartsua, baina azkarra da. Teknikoki dezente hobea da, eta hegalean aurkariak gainditzeko ezinbestekoa den bertutea dauka: ausardia. Ez da kikiltzen. Baloia arrisku eremuan jasotzen duen bakoitzean kontrarioaren bila abiatzen da, buruz buruko jokaldia baliatuz, aurrera egiteko. Athleticek ez dauka gisa horretako beste jokalaririk. Marcelinok fede handia dauka haren jokoan, baina ez dio aparteko presiorik sartu gura. Partidak bizitzeko zelairatzen du, bigarren zatietan. Arlo fisikoan, erabakiak hartzerako orduan... zer hobetu badauka. Baina Athletici asko eman diezaioke.

UNAI VENCEDOR
Pausoa eman ezinik

Lezamako gazteen artean eskarmenturik handiena duen futbolaria da Unai Vencedor (Bilbo, 2000); 44 partida jokatu ditu. Sasoi honetan zelai erdiaren aginte makila eman diote. Entrenatzailearen konfiantza dauka, baina oraindik ez du erakutsi taldearen pisua eramateko gai denik. Eroso sentitzen da neurketa erritmo motelekoa denean. Futbolean jokatzen badakiela erakusten du, baina Athletici komeni zaion erritmo bizian zailtasunak ditu. Zuri-gorriek zelai erdian dute zulorik handiena, eta Vencedor oraingoz ez da gabezia hori konpontzeko gai izan. Gaztea da, eta pazientzia beharko da.

OIER ZARRAGA ETA JULEN
Lehia areagotzeko

Marcelinok bere aginduetara dituen futbolari gazteen artean gutxien jokatzen ari dena da Oier Zarraga (Getxo, Bizkaia, 1999). Dena den, entrenatzaileak ia beti zelairatzen du. Joan-etorriko erdilaria da. Aurkariaren areara iristeko erraztasuna du. Gainera, erritmo biziko jokoan ondo moldatzen da. Baina ofizioa ikasi behar du. Julen Agirrezabalak (Errenteria, Gipuzkoa, 2000) ere asko dauka ikasteko, baina Unai Simoni gauzak zail jartzeko zorian dago. Aurrea hartu dio Jokin Ezkietari. Bigarren taldearekin ari da jokatzen, baina egutegiak aukera ematen duen aldiro, lehen taldearen deialdian dago. Simonen eta haren arteko lehiarekin taldeak irabaziko du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©GORKA RUBIO / FOKU

«Hamar garaipenekin, urteak ez ziren onak»

Iñaki Berastegi

Hermansek bere biografia aurkeztu du Euskal Herrian. Orbearekin hasi zen profesionaletan, eta talde hura «familia» bat izan zela dio.
Zumaiako arraunlariak eta kideak, atzoko banderarekin. ©BERRIA

Zumaia ere azaldu da

Aitor Manterola Garate

ETE ligako bigarren estropadan irabazi du sasoiko lehen bandera, Donibane Lohizunen

Eraso, atzo, helmugan. ©FEC
Tolosa taldeko Kadete mailako aurrelari Jokin Tolosa, pilota astintzen, Gazteleku taldearen aurka. ©IDOIA ZABALETA / FOKU

Derbi baten traza izango du finalak

Jon Eskudero

Tolosak eta Lazkaoko LAPKEk jokatuko dute XVII. Berria Txapelketako finala, bihar, Hernaniko pilotalekuan, 17:00etatik aurrera

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Haritz Gallastegi

Informazio osagarria

Iruzkinak kargatzen...