Txerriaren erakusketa oztopatu du Askekintzak

Ursula txerriaren erakusketa oztopatzen saiatu zen atzo Askekintza, Donostia aldeko talde antiespezista. Taldeko kideen esanetan, «ekintzaren helburua espezismoa eta egun honetan txerriekin egiten den sarraskia salatzea izan da». Azoka hasi aurretik hamabi lagun sartu ziren txerria erakusteko kaiolan, eta udaltzainek atera egin zituzten.