Espainiak «harmonizatu» egin nahi du selektibitatea

Zelaa ministroak gogoratu du erkidegoek eskumena daukatela proban, baina irizpideak batzeaz jardun da. Azterketa bakarra nahi du eskuinak
Selektibitatearen hasiera, asteartean, Iruñean.
Selektibitatearen hasiera, asteartean, Iruñean. IÑIGO URIZ / FOKU

Garikoitz Goikoetxea -

2019ko ekainak 8

Amaitu dute selektibitatea Hego Euskal Herriko ikasleek, baina zabalik dago azterketari buruzko eztabaida. Espainiako eskuinak gogor jo du proba erkidego bakoitzeko unibertsitate publikoek antolatzearen kontra, eta azterketa bakar bat egiteko eskatu du. Espainiako Gobernuak ez dio atea ireki aukera horri, baina, presioa ikusita, mugimendu batzuk egiten hasi da. Isabel Zelaa Hezkuntza sailburuak gogorarazi du erkidegoek badutela eskumena hezkuntzan, eta, hortaz, gai zerrenda ez dela berbera; horregatik, ez du bideragarri ikusten proba zentralizatzea. Hala ere, azterketa «harmonizatzeko» bidea hasi nahi du.

Unibertsitaterako hautaproba ia 14.000 ikaslek egin dute aste honetan —bostetik hiruk, euskaraz—. Azterketa horretako notak unibertsitatera sartzeko kalifikazioaren %40 ezartzen du —beste zatia, nagusia, Batxilergoko batez bestekoari dagokio—. Eskuineko sektoreen arabera, erkidego batetik bestera zailtasun desberdina du selektibitateak, eta horrek gorabeherak sortzen ditu ikasleen artean: «erraztasuna» dute batzuek nota handiagoa lortzeko. Proba bateratzeko argudioa dute.

«Aukera berdintasuna» bermatu beharra aipatuta, proposamen bat eraman du PPk Kongresura: azterketa bakarra egiteko eskatuko du. Ciudadanosek ere antzeko eskaera bat aurkeztu du.

Zelaa ministroaren esanetan, ordea, konponbidea ez da azterketa bakarra egitea. «Curriculuma pobretuko luke horrek». Gogorarazi du erkidegoek badutela eskumena edukien zati bat ezartzeko —Hegoaldeko gobernuek, %45—, eta hori ere aintzat hartu behar duela selektibitateak. Gaineratu du «datu teknikorik» ez dutela jaso desberdintasun arazoei buruz. Hala ere, «harmonizatu» egin nahi dute azterketa, zuzenketa irizpideak-eta bateratuta.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga, atzo, Eusko Jaurlaritzaren Bilboko egoitzan. ©Miguel Toña / Efe

Eusko Jaurlaritzak osasun larrialdia ezartzeko asmoa du

Andoni Imaz

Urkullu jarduneko lehendakaria litzateke batzorde bereziaren burua berriro ere, eta aukera izango luke jendea bakartzeko eta joan-etorriak mugatzeko. Murgak eta Tapiak agerraldi bat egingo dute bihar, hartuko dituzten neurriak esplikatzeko.

Salvador Illa Espainiako Osasun ministroa gaurko agerraldian. ©Chema Moya/EFE

Diskotekak eta gaueko tabernak ixteko agindu du Madrilek

Berria

Neurriak zorroztuko dituzte Hego Euskal Herrian, egoera epidemiologikoak okerrera egin duela eta. Gainerako taberna edo jatetxeek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Osasun langileak PCR probak egiten Donostian, aurreko astean. ©Gorka Rubio/FOKU

Azpeitiko Erdikalean ibili zirenei proba egiteko eskatu die Jaurlaritzak

Berria

Abuztuaren 7tik 9ra bitartean kale horretan ibilitakoek egin beharko dute testa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna