Montpellierren Baionako 2.000 zale izatea espero dute

Montpellierko GGL estadioan (Frantzia) jokatuko dute Mont-de-Marsanek eta Baionak ProD2ko finala, eta Baionako 2.000 zale joatea espero da, gutxi asko; Murrayfield harmailan kokatuko dituzte Lapurdiko taldearen zaleak. Gainera, klubak, Baionako Udalak eta Pirinio Atlantikoetako Departamentuak bidaia osotasunean ordainduko diete seiehun zale ingururi; autobusez joango dira. Bestalde, Baionako Udalak 64 metro koadroko pantaila erraldoi bat jarriko du hiriko Merkatu plazan, joan ezin dutenentzat.