Pieza guztiak ditu

Neguko azokan egindako fitxaketek nabarmen indartu dute Alaves. Camarasa funtsezko bihurtu da, eta Fejsa eta Edgar ere ondo ari dira. Zeresana eman nahi dute gaur, Mallorcan.
ALAVES / BESTEAK Tamaina handiagoan ikusi

Eñaut Agirrebengoa -

2020ko otsailak 15

Orain bai: bere neurrira egindako taldea dauka Asier Garitanok. Neguko merkatuan ahalegina egin du Alavesek, eta, hala, hutsuneak zituen puzzlea osatzeko moduan da teknikari bergararra. Piezak baditu, behintzat. Eta, oraingoz, ondo txertatu ditu: zelai erdiko aginte makila eman dio Victor Camarasari, erratza Ljubomir Fejsari, eta pizgarri ardura Edgar Mendezi. Hirurek oso sentipen onak igorri dituzte orain arte jokaturiko neurketa apurretan. Haize berriak ekarri dituzte. Roberto Jimenezek eta Ismael Gutierrezek, berriz, ez dute jokatu oraindik, eta bistan da, ezusterik edo okerrik ezean, aulkitik ikusiko dituztela partidarik gehientsuenak. Betegarri moduan iritsi dira, azken batean.

Alavesek eraberritu egin du zelai erdia; halabeharrez, Tomas Pinak min hartu eta Wakaso Mubarakek taldea utzi ondoren. Lehena funtsezkoa zen euskarrian. Oreka handia ematen zion taldeari, defentsaren eta erasoaren arteko zubi lana egiten baitzuen. Bada, haren hutsunea ahantzarazteko fitxatu dute arabarrek Fejsa. Serbiarra ez da horren abila baloiarekin, baina eraiste lanetan asko lagun dezake. Eskarmentu handia du gorengo mailan, Olympiakosetik eta Benficatik igaro ostean. Sasoi honetan, lekurik gabe geratua zen Portugalgo taldean, Julian Weigl iritsi ondotik. Bost lehia eskas besterik ez zituen jokatu, eta, ondorioz, erritmo falta nabaritu du Alavesekin jokaturiko lehen bi partidetan: titular gisa aritu da bietan, baina azkar agortu zaio erregaia, eta berehala aldatu du Garitanok.

Nolanahi ere, txukun aritu da zelaian igaro dituen minutuetan. Sendotasuna eman dio taldeari; eta Camarasak, berriz, distira. Erdilariak 2016-2017ko sasoian ere defendatu zuen Alavesen elastikoa, eta inoiz joan izan ez balitz bezala dihardu. Izan ere, azkar batean egokitu da, hamar zenbakiaren zama bere gain hartuta. Bazter utzita zegoen Ingalaterran, Crystal Palacen, baina, Alavesen, ezinbesteko bilakatu da berehala: lau lehia jokatu ditu, denak ere hasieratik, eta behin baino ez dute ordeztu —Levanteren aurka izan zen, hondarreko minutuetan—. Gainontzeko erdilariek baino kalitate hobea dauka baloiarekin, eta gasteiztarrek eskertu egin dute haren sormena. Baita moldakortasuna ere, zelai erdian ez ezik, aurrelarien atzetik ere joka baitezake.

Edgar izan da taldera iristen azkena. Alavesek merkatuaren azken orduetan burutu zuen haren fitxaketa. Camarasaren gisara, bigarren egonaldia du Arabako taldean, 2016-2017ko sasoian arrastoa utzi ondotik —Espainiako Kopako finalean sartu zituen gasteiztarrak, etxean Celtari sartutako golarekin—. Sasoi haren bukaeran, Mexikoko Cruz Azul taldeak erosi zuen, bost milioi euroren truke. Han jokatu du azken hiru urteetan, eta, orain, 2022ra arteko kontratua sinatu du Alavesekin. Eibarren aurka jokatu zituen estreinako minutuak; hogei besterik ez ziren izan, baina nahikoa bere burua aldarrikatzeko. Haren korrikaldi ahaltsuek hainbeste behar duen sakontasuna emango diote taldeari. Luis Rioja ez da espero zen lana egiten ari, eta beraz, Edgar ezker hegalaren jabe bihur liteke.

Hura da arabarrek erosi duten jokalari bakarra, gainontzeko fitxaketak utzita iritsi baitira: Camarasa eta Ismael Gutierrez, Betisetik; Fejsa, Benficatik; eta Roberto, West Hametik. Bide hori geroz eta gutxiago ari zen erabiltzen Alaveseko kirol zuzendaritza, baina lehengora itzuli da orain, neguko azokaren berezitasunak tarteko.

Lehia handiagoa dago

Lehen, hamaikako ia finkoa zuen Garitanok; orain, ordea, handitu egin da talde barruko lehia. Eta ez bakarrik iritsi berri diren jokalariengatik; lehendik zeudenetako batzuek emandako pausoagatik ere bai. Horien artean daude Oliver Burke eta Lisandro Magallan. Udan iritsi ziren Gasteizera, eta, orain gutxi arte, bigarren mailakoak ziren Asier Garitanoren egituran. Alabaina, koska bat igo dute azken bi partidetan. Magallanen kasuan, Rodrigo Ely zigortuta zegoela baliatu zuen Sevillaren aurka titular izateko, eta hasieratik jardun zuen berriro Eibarren aurka. Burke ere hamaikakoan izan da azken bi norgehiagoketan, eta sasoiko lehen gola sartu zuen derbian. Gauzak zail jarri diezazkioke Edgarri titular izateko borrokan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ezkerretik eskuinera, Inma Moro, Itziar Llanera eta Begoña Olaskoaga, Arrondegiko osasun etxean. ©LUIS JAUREGIALTZO / FOKU

Aztarnariak zaintzaile

Maite Asensio Lozano

Koronabirusean positibo eman dutenen gertuko kontaktuak bilatzea baino gehiago da aztarnari sistemako kideen lana: gaitzari eta bakartzeari buruzko informazioa emateaz edota zailtasunak dituztenen jarraipena egiteaz ere arduratzen dira.

PCR proba bat, Donostian. ©Idoia Zabaleta, FOKU

Beste 855 positibo atzeman dituzte Hegoaldean

Uxue Rey Gorraiz

Inoiz baino PCR proba gehiago egin dituzte azken egunean: 14.298, zehazki. Horietatik 855 kasutan detektatu dute birusa. 337 Nafarroan detektatu dituzte. Aurreko egunean, laurehunetik gora izan ziren lurralde horretan, lehenbiziko aldiz.

Miren Basaras, EHUko COVID-19aren Zaintza Batzordeko arduraduna. ©EHU

EHUk Miren Basaras izendatu du COVID-19aren Zaintza Batzordearen arduradun

Mikel O. Iribar

Mikrobiologoa eta EHUko irakaslea da Basaras, eta koronabirusaren ikerkuntzan badu esperientziarik. Zaintza Batzordearen lehen erronka EHUko egoera epidemiologikoa zein den aztertzea izango da. 

Susanna Paavilainen eta haren txakurra, Kossi, Helsinkiko aireportuan lanean, atzo. ©MAURI RATILAINEN / EFE

Koronabirusa atzemateko txakurrak erabiltzen hasi dira Finlandian

Edu Lartzanguren

Helsinkiko aireportuan hasi ziren lanean atzo animaliokin. Azterketen arabera, txakurrok kasuen ia %100 usaintzen dituzte, kutsaturiko pertsonak oraindik sintomarik garatu ez baditu ere.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Eñaut Agirrebengoa

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna