Madrilek hartutako erabakiekin bat egingo du PSOEk

Kataluniako Parlamentuaren jardunaren harira Espainiako Gobernuak Auzitegi Konstituzionalean jarriko dituen balizko helegiteak babestuko ditu PSOEk. Horixe jakinarazi zuen atzo Pedro Sanchez alderdiaren idazkari nagusiak. 155. artikuluaren ezarpena erabaki zenean bezala, beraz, Madrilek Kataluniarekiko hartutako erabakiak sostengatuko dituzte. Sanchezek adierazi zuen hautu hori egin dutela «Katalunian legedia babestea» dutelako helburu, eta zuzenbide estatuaren «arrakalatzearen» kontra daudelako.