Albistea entzun

BAKARRIZKETA

'Google tasaren' auzian su-eten bat sinatu dute AEBek eta Frantziak

IAN LANGSDON / EFE Tamaina handiagoan ikusi

Jokin Sagarzazu -

2020ko urtarrilak 26

1. Aspaldiko partez elkarrekin ez dugula parranda bat egiten, eta zu mugikorrean harrapatuta. Ez zaizu iruditzen alkohola eta sare sozialak nahastea arriskutsua dela? Bai, eta tartean Trumpen mezuak badaude, are arriskutsuagoa.

2. Zer bota du oraingoan? Macroni esan dio ardoa eta teknologia berriak ez nahasteko, eta AEBetako ardoa Frantziako baino hobea dela.

3. Ez naiz aditua ardo kontuetan, baina AEBetan egon berri naiz, eta Frantziakoa izugarri garesti zegoen. Bai, Trumpek %100 igo dizkiolako muga zergak. Gauza bera egin du Frantziako beste 62 produkturekin, Macronek Google tasa deiturikoa ezarri duelako.

4. Zer da hori? Frantziak Google, Facebook, Airbnb, Amazon eta gisako enpresak behartu ditu fakturatutako %3 pagatzera Frantzian egiten dituzten operazioetan—publizitatean, bitartekaritza zerbitzuetan, datuen salerosketan...—. Trumpek, berriz, antzeko tasa bat ezartzeko asmoa duten herrialdeei beren produktuak boikotatzeko mehatxua egin die. Espainian, Pedro Sanchezek egitasmo bat aurkeztu zuen iaz, baina bozengatik eten zuen.

5. Aste honetan irakurri dut zerbait gaiari buruz, baina ez naiz gogoratzen zeren harira. Ezagutzen duzu Davoseko foro ekonomikoa? Mundu osoko 54 herrialde boteretsuenetako presidenteak eta enpresetako buruak biltzen dira Suitzako herri horretan. Aste honetan izan da, eta horri buruz aritu dira. Munduko ekonomian garrantzia izugarria du gaiak.

6. Horrenbestekoa al da? Oso. Hankaz gora jar dezake azken ehun urteetako zerga politika.

7. Eta zein da berritasuna? Halako tasa batek, irabaziak zergapetu beharrean, fakturazioa zergapetzen dituela. Sozietate zergaren oraingo egitura ez dago Internetaren arora moldatuta. Enpresa bat zergapetzeko, lurralde batean presentzia fisikoa izan behar du: lantegia, saltokiak, langileak. Orain, klik batek ematen dio etekina, eta hori izan daiteke bezeroa eta saltzailea harremanetan jartzegatik, datuak saltzeagatik, publizitateagatik... Horretarako ez da behar presentzia fisikoa lurraldean.

8. Zer esan nahi duzu, Amazonek-eta ez dutela zergarik ordaintzen hemen? Pagatzen dituzte, bai, sukurtsal batzuk dituztelako. Baina, oro har, Europako Batasunean sozietate zerga batez beste %23 da, eta enpresa horiek %8 inguru ordaintzen dute. Konpainia horiek, zenbait sozietateren eta copyright eskubideen bidez, dirua AEBetako matrizetara eta paradisu fiskaletara desbideratzen dute.

9. Eta ezin da ezer egin? OCDE ari da lantzen proposamen bat enpresa digitalek herrialde bakoitzean duten presentzia neurtzeko eta zergapetzeko. Urte amaierarako izan dezake prest.

10. Hortaz, Davosen ez dute ezer adostu? Bueno. Su-eten moduko bat sinatu dute AEBek eta Frantziak. Enpresa horiek azaroan egin zuten zergaren lehen ordainketa, eta apirilekoa izoztu egin du Eliseoak, baina behin behinean. Nazioarte mailako akordio bat exijitu du. OCDEk deituta, 157 herrialde bilduko dira gutxi barru Parisen...

11. Ea zer gertatzen den... Eta, gurera etorrita, nahi duzu beste kopa bat ardo?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jatetxeak itxita eta jende oso gutxi Pekingo kaleetan, maiatzean. ©MARK R. CRISTINO / EFE

OMIKRONAREN KOLPEA

Olatz Urkia

Mundua koronabirusarekin bizitzen hasi den honetan, Txinak ez du bertan behera utzi nahi kutsaturik gabeko estrategia. Eta ordaindu beharreko prezioa altua da. Pandemia hasi zenetik bi urte baino gehiago pasatuta, orain hartu du Txinako ekonomiak kolperik gogorrena.

Kaiet Barberarena, Iholdiko Landaia etxaldean, Kintoa arrazako bere zerrien parkean, joan den ostiralean. ©I.E.

Laborariak kezkatu ditu prezioen goititzeak

Iñaki Etxeleku

Hazkuntzarako kanpoan erosi bazka, ongailu eta erregaien prezioak goratu izanak kinka gaiztoan ezarri ditu laborari franko. Iholdiko Landaia etxaldean ere bai, nahiz autonomia bilatzeak arriskua arintzen dion. Erresilientzia planeko dirua banatzeko Frantziak finkatu arauak, gainera, bazter utzi ditu ehunka etxalde.
Pedro Sanchez, Ministro Kontseilu bereziaren osteko agerraldian. ©Kiko Huesca / EFE

Espainiako Gobernuak 200 euroko txekea emango die errenta apaleko langileei, autonomoei eta langabeei

Irune Lasa

Kotizaziorik gabeko pentsioak %15 igoko ditu, eta garraio publikorako abonuak merkatuko. Pedro Sanchezek energia konpainien irabazien gaineko zerga berria iragarri du. «Gehien lortzen dutenek, ekarpen handiagoa egin behar dute sakrifizio kolektibora».

Pedro Azpiazu Jaurlaritzako Ekonomia sailburua, Eusko Legebiltzarrean, gaur. ©Irekia

Europako funtsetatik 1.090 milioi euro jaso dituzte Arabak, Bizkaiak eta Gipuzkoak

Iker Aranburu

Eusko Jaurlaritza kexu da funtsen banaketa oso motel doalako, eta etsita dago Espainiako Gobernuaren banaketa zentralistarekin.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.