Maila ezberdinetan ari diren hiru aurkari euskal taldeentzat

Espainiako Kopan segitzen duten hiru euskal taldeek maila desberdinetan jokatzen duten aurkariak izango dituzte datorren astean jokatuko den final-zortzirenetako kanporaketan. Hirurek etxetik kanpo jokatuko dute. Realak gaur ligan aurrean izango duenBetisekin neurtuko ditu indarrak, asteartean; Osasunak Almeria izango du aurkari asteazkenean, eta Athleticek Alcoyanoren aurka jokatuko du ostegunean. Partidak 21:00etan izango dira.

Imanol Alguacilek argi du ezin dela ligarekin alderaketarik egin: «Bi partida ezberdin izango dira».Athleticeko Marcelino Garciak, berriz, errespetua erakutsi zuen Alcoyanorekiko: «Lehen mailako bi talde kanporatu ditu. Begirunea zor zaie, eta zaila izango dela jakin».Osasunako teknikari Jagoba Arrasatek, berriz, ez zuen adierazpenik egin Almeriaren inguruan. Espainiarrak hirugarren dira Bigarren Mailan.