Madrilek 'Riderren legea' onartuko du asteartean
Datorren asteartean onartu eta abuztuan indarrean sartuko da Espainiako Gobernuaren Rider ren legea. Duela bi hilabete adostu zuen Lan Ministerioak lege hori sindikatuekin eta patronalarekin, plataformetako banatzaileen eskubideak babesteko. Oinarrian, Espainiako Auzitegi Gorenak ezarritako ildoa islatzen du idatziak: lan harremana badela Interneteko plataformen eta banatzaileen artean, eta autonomoen kontratuak ezingo dituztela egin, beste batentzako lanekoak baizik. Lan baldintzak ezartzeko baliatzen dituzten algoritmoak ezagutzeko eskubidea izango dute, halaber, langileen ordezkariek.
Iruzkinak
Ez dago iruzkinik
Ordenatu