Ez dago garbi Espainiako aberastasunaren gaineko zerga berriak Hego Euskal Herrian zehazki zer itxura izango duen. Printzipioz, zuzeneko zergen gaineko eskuduntza Arabako, Bizkaiko eta Gipuzkoako batzar nagusiek eta Nafarroako Parlamentuak dute, eta lurralde horietako ogasunei dagokie haiek biltzea. Baina Espainiako Gobernuak badu beste aukera bat: zerga izendatu beharrean, «ondarearen prestazio publiko» izendatzea. Formula hori egokia izan daiteke haren aurkako auzibideak eragozteko, baina beste ondorio bat izango luke: foru erakundeen eskuduntzari izkin egitea.
Aukera hori hautatu dute PSOEk eta UPk Espainiako Kongresuan aurkeztu dituzten energia konpainien eta bankuen gaineko tasa bereziekin. Eusko Jaurlaritzaren, Nafarroako Gobernuaren eta alderdi abertzaleen kexuen ondorioz, Madrilgo gobernuak iragarri du zerga horren bilketa foru ogasunen esku geratzeko bideak negoziatuko dituela.
Ondare zerga 27.000 lagun inguruk ordaintzen dute Hego Euskal Herrian. Gipuzkoan, EH Bildu agintean izan zen garaian, aberastasunaren gaineko zerga izendatu zuten.
Ikusteko dago Hegoaldean nola ezarriko den
Iruzkinak
Ez dago iruzkinik
Ordenatu