Albistea entzun

Katalunia. Fiskaltzaren kereilaren zain

Sozialista subiranistak

PSC utzi eta, Ernest Maragallen NECat-ekin batera, alderdi politiko bat sortuko du Movimentek.

Gaur aurkeztuko dute indar subiranista berria
Marina Geli, Kataluniako Parlamentuko bilkura batean.
Marina Geli, Kataluniako Parlamentuko bilkura batean. TONI ALBIR / EFE

Xabin Makazaga -

2014ko azaroak 21

Marina Geli eta Nuria Ventura diputatuek eta Montserrat Tura eta Antoni Castells Kataluniako Gobernuko kontseilari ohiek PSC Kataluniako Sozialisten Alderdia utzi, eta alderdi politiko berri bat sortuko dute, Ernest Maragallen NECat Nova Esquerra Catalana mugimenduarekin batera. Joan Ignasi Elena buru duen Avancem PSCko ildo kritikoak ere aurrerago bat egingo duen itxaropena agertu zuen atzo Gelik. Gaur aurkeztuko dute alderdi berria PSCtik aldendutako kideek, eta beren asmoa 2015eko udal bozetarako hautagaitzak aurkeztea da.

Kataluniaren burujabetzari buruzko ikuspegiak aspaldi zartatu zuen PSC barneko sintonia, eta alderdiak zigortu ere egin zituen diputatu kritikoak —Geli, Ventura eta Elena— boto diziplina hautsi eta Espainiako Gobernuari herri galdeketa egiteko eskumena eskatzearen alde bozkatzeagatik Kataluniako Parlamentuan. Ordurako Ernest Maragall PSCko kontseilari ohiak alderdia utzi eta NECat mugimendua sortua zuen; eta alderdi barruan Pere Navarroren zuzendaritzarekin bat egiten ez zutenak Moviment Catalunya eta Avancem ildo kritikoetan antolatuak ziren.

Pasqual Maragallen hiruko gobernuan kontseilari izandako zenbait kidek ere babestu izan dute PSC barruan burujabetzaren aldeko jarrera argiago bat —ez halabeharrez Espainiako Gobernuarekin edo Gorteekin adostua— eta A-9ko galdeketak haustura eragin du Kataluniako Sozialisten Alderdiko bi joeren artean.

Oraingoz, parlamentari

Alderdi politiko berria «katalana, sozialista, subiranista eta obedientzia hertsiki katalanekoa» izango da, atzo Gelik Catalunya Radion adierazi zuenez. «Sozialista subiranisten ahotsa» bihurtu nahi dute PSCtik kanpora, eta, Artur Mas presidenteak hauteskundeak aurreratuko dituen argitu artean, oraingoz ez dituzte diputatu karguak utziko Gelik eta Venturak. ERCk, CUPek eta ANC Biltzar Nazional Katalanak eskatu diote Masi hauteskundeetara berehalako batean deitzeko, baina, halakorik gertatuko ez balitz, orduan bai aztertuko lukete diputatu kargua eta legebiltzarra uztea.

Pere Navarro PSCko lehen idazkariak «koherentziarik eza» egotzi die alderdia uztea erabaki duten diputatuei eta kontseilari ohiei. «Irteera aspalditik prestatzen ari diren susmoa» agertu du Navarrok —jakina zen alderdi berri bat sortzeko negoziatzen hilabeteak zeramatzatela NECat eta Moviment ildoek, eta Advancemek negoziazioak utziak zituela, eta PSCren ildotik aldendu izana egotzi die alderdiko buruak: «Pertsona hauek alderdiko gainerako kideez besteko iritzi bat dute, eta PSCk bere historia politiko guztian defendatu izan duenetik urrundu dira. Koherentzia eskatzen diet». PSCko sektore katalanistari alderdia «patrimonializatu» nahi izatea ere egotzi die Navarrok: «PSC ez da inorena. Guztiona da», adierazi du RAC1 irratian.

PSCko kritikoez harago alderdiko zuzendaritzarekin erabat kritiko agertu dena, bestalde, Alfonso Guerra Espainiako presidente ohia izan da. PSOEko diputatu izateari utzi berria, PSCko buruzagiek «estrategia aldatu edo alderdiz aldatu» aukera egin beharko luketela esan zuen atzo. Eta Jose Montilla Kataluniako presidente ohiak Artur Masi agertutako babesa «onartu ezineko itsukeria» dela erantsi zuen.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Espainiako Polizia Ukrainaren enbaxadaren ingurumarietan, atzo. ©Chema Moya, EFE

AEBen enbaxadakoei eta Pedro Sanchezi ere bidali dizkiete lehergaiak

Uxue Rey Gorraiz

Sei dira guztira atzemandako bonbak; horietatik bost azken orduetan atzeman dituzte, Espainiako Defentsa Ministerioan, AEBen eta Ukrainaren Madrilgo enbaxadetan, Zaragozako arma lantegi batean eta Torrejon de Ardoz herriko aire basean. Pedro Sanchezen aurkako bonba bat atzeman zuten azaroan. Antzeko ezaugarriak dituzte, eta agian gehiago egongo direla ohartarazi dute.

 ©ROMAN PILIPEY / EFE

Errusiak ez du onartuko Ukrainako gerra krimenetarako auzitegirik

Mikel O. Iribar

Kremlinek «ilegitimotzat» jo du Europako Batzordeak egindako proposamena. Zelenskiren arabera, sei milioi herritar daude argindarrik gabe Ukrainanan.

Hainbat lagun, Israelgo armadak herenegun hil zuen palestinar baten hiletan, Beit Rema herrian, Zisjordanian. ©ALAA BADARNEH / EFE

Israelgo armadak beste bi palestinar hil ditu tiroz, Zisjordanian

Mikel O. Iribar

Jeningo errefuxiatuen kanpalekuan egin dute sarekada Israelgo indarrek. Zortzi palestinar hil dituzte 72 orduan, eta hamar astebetean. NBEk onartu egin du 2023an Nakbaren 75. urteurrena oroitzeko ebazpena.

Elikadurarekin lotutako laguntza izan da aurten gehien hedatu dena. Irudian, elikagaien banaketa, Mendebaldeko Saharan. ©EFE

339 milioi lagunek beharko dute laguntza humanitarioa 2023an, NBEren arabera

Mikel Elkoroberezibar Beloki

Inoizko finantzaketarik handiena beharko du NBEk —ia 50.000 milioi euro— 68 herrialdetan laguntza humanitarioa eman ahal izateko datorren urtean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...