Kanpaina xenofoboez kezkatuta

Hauteskunde kanpainan adierazpen xenofoboak egitea eragozteko batzorde independente bat sortzea proposatu du CEAR-Euskadi erakundeak. Alderdi politikoetako ordezkariekin bildu da, eta hainbat proposamen egin dizkie maiatzaren 26ko bozei begira, errefuxiatu eta migratzaileen egoerari dagozkionak. CEAR-ek salatu du pertsona horiek ez dauzkatela bermatuta oinarrizko eskubideak: etxebizitza, hezkuntza eta asilo eskubideak, besteak beste.