Diskriminazioa beti egon dela uste du Patricia Barcena CEAR Euskadi errefuxiatuen elkarteko kideak, baina onartu du azken urteotan areagotu egin dela. Izan ere, azaldu duenez, krisiaren poderioz sortutako egoerak batzuk gehiago baztertzea dakar: «Herritarrek pertsona ahulenen aurka bideratzen dute atsekabea, eta ahulagoak direnez, haietaz abusatzen dute». Ahulenak, maiz, gutxiengoak izaten direla gehitu du.
Nolanahi ere, ezberdintasunak bezala, horien aurkako borroka ere aspalditik datorrela uste du, eta sortu berri den sareari esker hobe lan eginen dutela: «Lehendik egiten genbiltzan lan hori indartu eginen dugu». Hala, era koordinatuagoan eta tresna gehiagorekin lan egitea espero du, edo bederen, diskriminazioa ikusaraztea, batzuetan «isilekoa» delako: «Batzuek ez dakite bizitzen ari diren egoera bazterkeria denik ere».
Patricia Barcena. CEAR Euskadi
«Herritarrek pertsona ahulenen aurka bideratzen dute atsekabea»
Iruzkinak
Ez dago iruzkinik
Ordenatu