Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Euskal Herria Txapela. Reala 0-1 Athletic

Athleticek, merezita

Bilboko taldeak irabazi du Euskal Herria Txapela, ordubetez hobea izan ondoren. Realak erreakzio ona izan du amaieran
Mikel Balentziaga Athleticeko jokalaria, txapela jantzita eta trofeoarekin, Realeko zalez inguratuta.
Mikel Balentziaga Athleticeko jokalaria, txapela jantzita eta trofeoarekin, Realeko zalez inguratuta. IÑIGO URIZ / FOKU Tamaina handiagoan ikusi

Imanol Magro Eizmendi -

2018ko abuztuak 5

Reala. Rulli, Gorosabel , Llorente (Elustondo, 60.min), Zubeldia, Kevin (Merquelanz, 78. min), Illarramendi (Navas, 60. min), Merino, Sangali, Oiartzabal (Dela Bella, 78. min), Juanmi (Bautista, 70. min) eta Willian Jose (Zurutuza, 70. min).

Athletic. Kepa, De Marcos, Nuñez (Yeray, 78. min.), Nolaskoain, Yuri, Dani Garcia, Unai Lopez (Iturraspe, 78. min), Susaeta (Balentziaga, 85.min), Williams (67. min), Muniain (67. min) eta Aduriz (Raul Garcia, 85. min).

Golak. 0-1: Williamsek (16. min).

Epailea. Aitor Gorostegi. Txartel horia Realeko Illarramendi eta Merinori.

Bestelakoak. Sarrera polita Irungo Gal estadioan. Miren De La Hoz Urangak ohorezko sakea egin zuen, 1976an Jose Angel Iribarrek eta Iñigo Kortabarriak atera zuten ikurrinaren egilea. Bi futbolari ohiek jarri zioten irabazlearen txapela Athleticeko kapitainari. Zelaia egoera txarrean zegoen, putzuz beteta.

«Partida honek gutxi izan du lagunartekotik». Iñaki Williamsek, oraindik zelaian zegoela, horrela deskribatu zuen atzo Euskal Herria Txapelako finala. Bere taldeak irabazi berri zuen, bere gol bati esker gainera, baina ez lanik egin gabe. Izan ere, eta lehen ordubetean zuri-gorriak hobeak izan ziren arren, azken txanpan Realak estu hartu zituen, baina ez zuen golik sartu. Athleticek partidaren bi heren izan zituen kontrolpean; Realak, aldiz, bakarra. Zuri-gorrien agintea, gainera, nabarmenagoa izan zen zen. Beraz, merezita eraman zuen txapela Lezamara.

Jendetza bildu zen Gal estadioan, eta harmailek itxura oso polita izan zuten, ez ordea berdeguneak. Putzuz beteta zegoen, eta jokoa zaildu zuen. Nonbait, lehorregi egotea eragotzi nahi, eta are gehiago kaltetu zuten urarekin. Zelaia, baina, ez zen oztopo izan Athleticentzat lehen zatian. Bilboko taldeak hobeto ekin zion partidari. Zelai erdian baloia lapurtu eta aukera onak sortu zituen, eskuin hegaletik bereziki. Susaetak partida ona egin zuen eta bere erdiraketak izan ziren arrisku iturri nagusia. Korner zital pare bat ere atera zituen eibartarrak, eta Athleticeko jokalariek area barruan errematatu zituzten. Reala, aldiz, ezinean aritu zen. Kontraeraso on pare bat lotu zituen, baina asko sufritu zuen atzean. Atsedenaldirako hamalau falta eginak zituen.

Gola bigarren zatiko lehen jokaldian iritsi zen (46. min.). Athleticek, berriz ere, baloia lapurtu zuen zelai erdian —nabarmentzekoa Dani Garciak eginiko lana— eta Williamsek ondo baliatu zuen Susaetaren pasea. Ordura arte gertatutakoaren ondorio logikoa zen. Golak, dena den, ez zuen Athletic lasaitu, eta beste hamar minutu on izan zituen.

Asier Garitanok aulkia astindu zuen, eta aldaketek mesede egin zioten Realari. Entrenatzaileak ustez hasieratik ariko diren jokalariak eta ordezkoak nahasi zituen hasierako hamaikakoan, baina zelaian galoi gehiago jarri ahala gora egin zuen Realak. Athleticek baino hobeto bukatu zuen fisikoki, hozka eginez, eta Willian Josek aukera pare bat izan zituen areaz kanpotik. Hori bai, ez ziren Kepa ikaratzeko moukaoak izan.

Athleticek, bere aldetik, erritmoa pixka bat jaitsi beharra zeukan. Partidaren ondoren hegaldi bat hartu zuen gaur goizean Mainzen (Alemajia) hiruko torneo bat jokatzeko. Etxeko taldea eta Fiorentina izango ditu aurkari. Bestalde, Eduardo Berizzok atzo zehaztu zuenez, hilabete bukaeran esango du zein jokalarik utzi behar duten taldea. Zentzu horretan, ez dirudi Peru Nolaskoain horietako bat denik, bigarren taldean nahi baitu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

«Nork bere koloreak ditu oraindik ere, baina etsaitasun txikiagoz»

«Nork bere koloreak ditu oraindik ere, baina etsaitasun txikiagoz»

Olaia Gerendiain - Gipuzkoako Hitza

Lau hamarkada baino gehiago patroi lanetan egin ondoren, Lujanbiok bukatutzat eman berri du bere jarduna. 24 urte zituela jo zuen goia, Kontxako Bandera irabazita.

Realeko jokalariak Mateu Lahoz epaileari kexuka, gaur, Bartzelonan. ©Andreu Dalmau / EFE

Amaitu da ligako bolada ona ere

Paulo Ostolaza

Neurketa irabazteko adina gol aukera izan dituzte txuri-urdinek, baina, azkenean, Espanyol izan da asmatu duena. Haserrea eragin du epaileak Isaki baliogabetu dion golak.

Elezkano, gaur, Azkoitian, pilotari ematen. Atzean, Irribarria. ©Gorka Rubio / Foku

Berriz ere amaieran hautsi dute neurketa Elezkanok eta Zabaletak

Berria

Neurketa berdindua jokatu dute Irribarriaren eta Rezustaren aurka, baina gehiago izan dira bigarren zatian.

Ezpeleta, gaur, txapela jantzita, Tolosan (Gipuzkoa). ©Gorka Rubio / Foku

Hodei Ezpeleta 'Bihurri', Euskal Herriko txapeldun

Berria

Eibartarrak Xabier Zalduak baino minutu eta 37 segundo gutxiago behar izan ditu lanak amaitzeko, Tolosan jokatu den txapelketan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.