Musika eta kultura, bat eginda

Zuzeneko musikaren agertoki bilakatuko da gaur Irungo Udanibia plaza. Askotariko eskaintza musikala eta kulturala izango da, 11:00etatik 01:00eraino. Zuzeneko musikaz gozatzeko hiru agertoki egongo dira, eta baita bestelako ekintza eta jarduerak egiteko aukera ere. Hogei musika talde eta artista igoko dira agertokietara: ingurukoak eta nazioartekoak. Musikaz gain,30 postuz osaturiko artisau azoka bat, tatuajeak egiteko gune bat, haurrentzako jarduerak, produktu eta garagardo artisau ugari eskainiko dituzten barrak eta bi janari furgoneta egongo dira. Jende gaztea erakarri nahi dute, baina, eskaintza musikalaz gain, familiak ere aintzat hartuz.

Irun Zuzenean jaialdia

Gaur, egun osoz, Irungo Urdanibia plazan (Gipuzkoa).