Gustuen araberako ekintzekin gozatu

Hendaiako (Lapurdi) Aisialdi Azoka abian da, eta bihar arte egongo da ikusgai. Zenbait gune izango ditu, eta haietako bakoitzean alor bat lantzeko tailerrak antolatu dituzte: gastronomiarekin, baratzearekin, itsas kirolekin, ongizatearekin eta sormenarekin lotura duten erakusketak eta ekintzak, besteak beste.Haurrei eta helduei zuzendutako lantegiak dira, eta hasiberriek nahiz esperientziadunek har dezakete parte. Zenbait lantegitan parte hartzeko, aldez aurretik eman behar da izena. Aldi honetan, gastronomia gunean hainbat janari mota salduko dituzten furgonetak egongo dira: taloak, jaki begetarianoak eta abar.

Aisialdi azoka

Gaur eta bihar, 10:00etatik aurrera, Hendaian (Lapurdi).