Azokak
Erdialdean ere bada ardorik
Ezaguna da Nafarroako ardoa, baina, zenbait izendapen badira herrialdean. Nafarroako Erdialdean Mendialde Behereko ardoa egiten dute, eta horiek ere antolatzen dute urtero mahats bilketaren besta. Bihar izanen da, Lergan (Nafarroa). Eguna abiatzeko mahatsa zanpatuko dute, modu tradizionalean, eta, ondoren, urteko lehenbiziko muztioa banatuko diete bertan direnei. Horrelakoetan ohikoa izaten den bezala, azoka izanen dute herrian, baita musika eta antzerki animazioa ere. Tokiko bertako produktuak erosi ahal izango dira, eta lanbide erakustaldiak ere eginen dituzte. Eguerdian, haurrentzako jolasak izanen dira, eta helduentzako kantaldia.
Iruzkinak
Ez dago iruzkinik
Ordenatu