Bidasoak oin eta erdi du Espainiako Kopako Zortziko Finalean, atzo, Artalekun, Anaitasunari hamalau golez irabazi eta gero: 36-22.
Laugarrenez jokatu zuten sasoi honetan elkarren aurka, eta beste behin Jacobo Cuetararen taldea izan zen nagusi. Neurria hartua diote nafarrei. Hasieratik izan ziren nagusi etxekoak, 5-1eko partzial bati esker. Denboraldi honetan ohikoa den moduan, irundarrak zorrotz aritu ziren defentsan. Baina atzokoan, gainera, erasoan erakustaldia eman zuten, 36 gol sartuta. Egiten ari diren sasoi onaren isla izan zen atzoko partida,
Anaitasuna, berriz, nahi eta ezin aritu zen partida osoan zehar, Bidasoaren erasoko jokoa geratu ezinik egon zen. Gola egiteko, berriz, zailtasunak izan zituen, etxekoek apenas utzi baitzituzten zuloak. Datorren asteazkenean jokatuko da itzulikoa, baina IƱaki Anizen taldeak maldan gora du kanporaketa.
Bidasoak aise irabazi dio Anaitasunari Kopako joaneko lehian (36-22)
Iruzkinak
Ez dago iruzkinik
Ordenatu