Albistea entzun

Durangoko 52. Azoka. Wikipedia

Entziklopedia ibiltari bat

Azkue fundazioa sortzaileen profilak osatzen dabil Durangon, euskarazko Wikipediarako
ETS taldeko kideak, atzo, Durangoko Azokan, Wikipediarako argazkia ateratzen.
ETS taldeko kideak, atzo, Durangoko Azokan, Wikipediarako argazkia ateratzen. MONIKA DEL VALLE / ARGAZKI PRESS Tamaina handiagoan ikusi

Iñigo Astiz -

2017ko abenduak 8 - Durango

Euskarazko Wikipedia osatzeko ehizaldi entziklopedikoa abiatu dute Azkue fundazioak eta Euskal Wikilarien Kultura Elkarteak Durangoko Azokan. Ehunka sortzaile, kazetari eta eragile biltzen ditu Landako guneak azokak irauten duen bitartean, eta sortzaile dentsitate hori baliatu nahi izan dute oraingoan, sareko entziklopedian euskal kulturari buruz dagoen informazioa osatzeko eta aberasteko. Photocall bat jarri dute horregatik Areto Nagusiaren atzean eta Kabi@ gunearen alboan. Bertan argazkia ateratzera joateko deia egin diete azokara doazen euskal sortzaile guztiei. Egiten diren argazki guztiak zuzenean igoko dira Wikipedia Commonsera.

Photocall-era doazen sortzaileei harrera egiten aritu da egunotan Jon Martin, eta hark eman dizkie azalpenak ere. «Azkue fundazioaren helburua da Wikipediaren euskarazko eskaintza hobetzea eta aberastea». Sinplea da berez funtzionamendua. Pedal baten bidez argazkia ateratzen duen kamera bat topatuko dute sortzaileek gune horretan, eta atzean Azkueren eta Wikipediaren logotipoa dituen oihal batekin aterako dute argazkia. Irudi hori zuzenean igoko da sarera, eta edonork entziklopedian txertatzeko moduan geldituko dira gero.

Argazki libreak falta ditu Wikipediak, euskal sortzaileei buruzko profilak eguneratzeko. Eta datua ere eman dute. Euskal Herrian jaio diren eta bizirik dauden 672 idazleren datuak ditu entziklopediak egun, baina haietariko 266ren argazkiak baino ez dituzte, eta gaurkotu gabeak dira, gainera, haietako asko eta asko. Datua okerragoa da abeslari eta musika taldeen artean, ez baita ohikoa haien argazki askeak eskuratzea. Eta egoera antzekoa da bertsolariekin ere. Horregatik photocall-a.

Joan-etorri mordoa egin du photocall-era egunotan Ritxi Aizpuru Baga Biga disko etxeko kideak. Azokara diskoak aurkeztera joandako taldeak lagundu ditu haraino, eta azaldu du zergatik: «Hamar edo hamabi talde ekarriko ditugu egunotan. Nik uste dut euskal Wikipediari lagundu egin behar zaiola».

Wikipedia Eguna

Zerrenda osatzen dute orain arte egitasmoarekin bat egin duten sortzaileek. Argazkia ateratzen izan dira, esaterako, Iñigo Txapelpunk, Castillo Suarez, Lore Erriondo, Olatz Sarriegi, Hesian, Joxan Goikoetxea eta beste hainbat.

Baina photocall-arena ez da izango Durangoko Azokan sareko entziklopediarekin lotuta egingo den ekintza bakarra. Wikipedia Eguna ospatuko dute gaur Kabi@ gunean, esaterako. Liburuzainak proiektua aurkeztuko dute 11:00etan, eta Wikipedian aritzen ikasteko aukera emango diote gunean biltzen den jendeari. 11:30etik 14:00etarako tartean izango dira goizean, eta 16:00etatik 18:0etara izango dira arratsaldez. Entziklopediara edukiak igotzeko zer egin behar den azalduko dute han arduradunek, eta Wikipedia eta hezkuntza hitzaldia ere eskainiko dute, 15:00etan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Kepa Junkera, erdian, gaur Bilboko Arte Ederren museoan egindako liburuaren aurkezpenean ©Aritz Loiola/ Foku

Kepa Junkerak bere obra osoa berrikusten duen arte liburua kaleratu du

Iñigo Astiz

Musikariaren diskografia osoa errepasatzen du Berpiztu lanak, eta, gainera, 40 artistak propio sortutako obra bana eta Junkerak sortutako kanta guztien partiturak ere badakartza. Musikariak berak parte hartu du argitalpenaren aurkezpenean.

 ©Joanes Etxebarria

«Anitz egin da hitz berrien asmatzeko, baina zahar anitz galdu ditugu»

Joanes Etxebarria - Ipar Euskal Herriko Hitza

Liburu edo pastoraletan, historia landu du bereziki, olerkiekin batean. Idazlan luzeak gehiago ez egitea deliberatu du. Uste du aitzinatu dela euskararen alorrean, baina lan asko dela egiteko.

<em>Maus</em> liburuko lau bineta. ©ASTIBERRI

Saguen txilioak holokaustoan

Uxue Rey Gorraiz

Gurasoek holokausto nazian bizitakoetan oinarrituta sortu zuen Art Spiegelmanek 'Maus' komikia. Pulitzer saria irabazi zuen 1992an. Euskarara ekarri dute berriki.

Soinu txikia XIX. mendearen amaieran hedatu zen Euskal Herrian. ©BERRIA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.