Bankuak, «adinekoen etsai handiena»

Euskal Herriko Pentsiodunen Mugimenduak manifestazioak egin zituen atzo Hego Euskal Herriko hiriburuetan, bankuen jarrera salatzeko. Bilbokoan, Ilarak eta komisioak, aski da! zioen pankarta eraman zuten, eta Kutxabankek Kale Nagusian duen egoitzara jo zuten. «Bankuak gizartearen etsai handiena dira, eta bereziki adineko pertsonena», leporatu zieten antolatzaileek. Salatu zuten bulegoen itxierak eta aurrez aurreko arretaren desagerpenak kalte handia egiten diela beren kolektiboko kide askori.