Albistea entzun

Bermeen Batzordeak dio galdeketen legeak ez duela urratzen konstituzioa

Kataluniako Parlamentuak legea irailaren erdialdean onartuko duela aurreikusten dute.

Bederatzi kidetik bostek bozkatu dute alde
Frances Homsek uste du erabakiak «argudio sendoak» ematen dizkiela azaroaren 9ko kontsultara deitzeko.
Frances Homsek uste du erabakiak «argudio sendoak» ematen dizkiela azaroaren 9ko kontsultara deitzeko. MARTA PEREZ / EFE

Bidatz Villanueva Etxague -

2014ko abuztuak 23

Galdeketa legeari oniritzia eman zion atzo Kataluniako Bermeen Batzordeak. Parlamentuari helarazitako testuaren arabera, «ez da Espainiako Konstituzioaren aurkakoa». Are gehiago, « legea betetzeaz harago, balio konstituzionalak indartzeko balio dezake», batzordearen ustetan. Horrela, azaroaren 9ko kontsultak legezko oinarria izateko bidean, Kataluniako Parlamentuak onartzea izanen da hurrengo urratsa. Alderdi independentistek aurreikusten dute irailaren erdialdean ganberak eginen duen bilkuran onartuko dutela; CiU, ERC, ICV-EUiA eta CUPek eginen dute alde.

PSCk ere jakinarazi du galdeketa legeari oniritzia emanen diola «batzordeak gehiengoz onartu duelako». Baina, haien iritziz, azaroaren 9ko kontsultak «ez du babesik» legearekin.

Batzordeko bederatzi kideren artean bost agertu dira galdeketa legearen alde; CiUk eta ERCk proposatu zituztenak, alegia. PSC, PP eta ICV-EUiAk hautatutako kideek kontrako boto partikularra eman dute.

«Kultura konstituzionala duten herrialdeetan, ideia eta ildo politiko guztiak babesten dira, baita sistema ereduaren aurkakoak direnak ere», adierazi du batzordeak. Kaleratutako testuak azaltzen du herritarren iritziaren jakinean egoteko helburua duten kontsultak ez direla legez kanpokoak eta emaitzak ez daukala balio juridikorik.

PPk eta PSCk batzordeari eskatu zioten galdeketa legeaz gain azaroaren 9ko kontsulta epaitzeko, baina ezezkoa eman zien: «Ez dago gure lan eremuaren barruan; ez du ondorio juridikorik izanen, eta zuzenbidearen esparruan ez da sartzen». Akordio politiko bat dela azaldu du batzordeak.

Francesc Homs Kataluniako Gobernuko bozeramaileak galdera erretorikoa bota du: «Nork izan diezaioke beldurra herritarrak adierazten uzteari eta herri katalanaren borondatea ezagutarazteari?». Homsek uste du «arrazoi juridiko sendoak» daudela azaroaren 9ko kontsultara deitzeko. Gainera, Espainiako Gobernuari hots egin dio trabarik ez jartzeko «demokraziaren jardunari; Espainiako ordenamendu juridikoak baimentzen duen jardunari».

Eremu nazionalean eta lokalean kontsultak egitea ahalbidetuko dio Kataluniari legeak, eta instituzio bakoitzak dagokion esparruan jardun beharko du. Hortaz, PSCren argudioa da subiranotasunaren eztabaida Espainiari dagokiola. Alderdi independentistek, ordea, kataluniarren eskumena dela uste dute, eta Generalitateak deitu behar duela kontsultara.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Turkiaren erasoaren aurkako manifestazio bat, azaroaren 20an, Qamixlin. ©EFE

SDFk jakinarazi du eten egin dituela AEBekin egiten ari ziren operazioak

Igor Susaeta

Milizia kurduak indar nagusitzat dauzkan eta Pentagonoaren babesa duen koalizioak ohartarazia zuen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio
Turkiaren erasoaren aurkako manifestazio bat, azaroaren 20an, Qamixlin. ©EFE

SDFek jakinarazi dute eten egin dituztela AEBekin egiten ari ziren operazioak

Igor Susaeta

Milizia kurduak indar nagusitzat dituen eta Pentagonoaren babesa duen koalizioa ohartarazten ari zen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio

Vladimir Putin Errusiako presidentea, gaur, Moskun. ©EFE

Errusiak esan du «negoziatzeko prest» dagoela, bere interesak «bermatzeko»

Mikel Elkoroberezibar Beloki

Ukrainako armadak adierazi du bere tropetako 13.000 soldadu eta 6.000 zibil hil direla gerra hasi zenetik. Haur ugariri hezkuntzarako eskubidea urratu dietela salatu du NBEko batzorde batek.

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...