LARREPETIT

Brigadak I

Maddi Ane Txoperena Iribarren -

2017ko martxoak 1
Askapena Euskal Herriko erakunde internazionalista brigada kanpaina betean dagoela, nik ere baliatuko dut tarte bat heldu den udarako propaganda pixka bat egiteko.

Joan den udan izan ginen lau lagun Brasilgo hegoaldean, MST mugimendua eta laborari munduko borroka ezagutzen. Haien eskuzabaltasunaz eta izaera abegikorraz maiteminduta gelditzeaz aparte, anitz ikasi genuen Brasilen eta, oro har, Latinoamerikako leku ugaritan dagoen problematikaz: lur asko, baina gutxiren eskuetan egotearen arazoaz. Brasilen, zehazki, lurren %51 biztanleen %1en eskuetan zeudela erran ziguten bertako militanteek.

Biztanleriaren beste zati handi bat arrotzen lurretan ia esklabo modura ari da lanean, edo ordaindu ezin dituen lurretan maizter, ala hirietako favela auzoetara alde egina, landa eremuan bizimodua atera ezinik. Horri aurre egiteko lurrak okupatu eta kanpalekuak eraikitzen dituzte horietan, gero estatuari presio egin eta kokaleku bilakatzeko, hots, gobernuak funtzio sozialik ez duten lurrak desjabetu eta herriaren eskuetan utz ditzan.

Kanpora joaten zarenean ohikoa omen da beste lurralde eta pertsonak ezagutuz zureari buruz gogoeta gehiago egitea. Gure artean ere eztabaidak geneuzkan: Euskal Herrian latifundiorik ba al da? Zein da lurrarekiko daukagun problematika? Noren eskuetan daude lurrak, eta nork lantzen ditu? Eta zer egin behar dugu gai horri dagokionez?

Agian horretan dabilenak errazago erantzunen die galderei. Baina, ingurura begiratuta, nik behintzat irudipena dut ez dela hainbestekoa lurraren jabetzaren arazoa (eta, hala bada, gu ere has gaitezke lurrak okupatzen). Nire inguruan behintzat, garai batean baratzez beteriko lurretan orain jende zaharrak segitzen du soilik lanean. Eta, salbuespen batzuk gorabehera, irudipena dut lurrak bai, baina ez dugula horiek lantzeko hainbesteko gogorik, denborarik ala borondaterik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna