Albistea entzun

'TXIKI'-TIK

Etxeko ganbaratik Coruñara

Itziar Olasagasti - Orioko arraunlaria

2020ko uztailak 3

Irailean zerua jo genuenetik, kosta zitzaigun lur hartzea. Negu partean oraindik ur aparretan ginen, baina akabo zipriztinak konfinamenduan. Martxoan, ostruken antzera burua lurperatu behar izan genuen etxeko txokoan, eta ekain erdialdean dortoka jaioberrien antzera bizkarrean oskola hartuta abiatu ginen itsasora. Hasieran baldar samar, eta hilabete geroago, Coruñara iritsi gara.

Etxean igarotako hiru hilabete hauetan eskerrak eman behar dizkiegu bizilagunei eta etxekideei. Ezin ahaztu emandako animoak eta erakutsitako prestutasuna. Eskerrik asko salto bakoitzean egongelan sortutako dardararekin ez ikaratzeagatik, eskailera eta ezkaratzetako korrika saio klandestinoak ateko behatxulotik ikusteagatik, eta nola ez, ergometroaren sintonia goiz eta arratsalde entzuteaz ez kexatzeagatik. Txaloak zuentzat ere baziren.

Iaz esan genuen gora iristeko bidea luzea izan zela, eta bertan mantentzea zailagoa izango zela. Taldea mantendu dugu, eta asmo berberak ditugu. Neguko estropada gorabeheratsuak kontuan hartu, eta guretzat berria den titulua defendatu beharko dugu, bere alde on eta kontrako guztiekin. Aurkariek ere gora igo nahi dute, eta kosk egiteko prest datoz.

Bagoaz Coruñarantz, ikasbidaia batean bezalatsu. Denok egin ditugu etxeko lanak. Testak ere bai. Baina etxean, bakarrik. Lau taldeek komunikabideetan ondo gaudela diogu, eta banderen lehiarako prest gaudela. Telebistatik ikustean dena da erraza, baina bertara joatean, ai ama! Zer pasatuko da orain? Coruñako egoera berezira egokitzen denak eta akats gutxien egiten duenak gehiago izango du bere alde. Itsasoak jarriko gaitu geure lekuan, eta onenak irabaz dezala.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Peña II. pilotari ematear, atzo, Gasteizko Ogeta pilotalekuan, Jaca begira duela. ©Jaizki Fontaneda, FOKU

Peña II. eta Albisu gailendu dira Binakako Txapelketako bederatzigarren jardunaldian

Berria

Txapelketako laugarren garaipena erdietsi dute Peña II-ak eta Albisuk; hirugarrena dute segidan. Jaca eta Mariezkurrena ez dira fin aritu, huts franko egin dute, eta apenas izan duten lehiari eusteko aukerarik.

Modric, Real Madrilen lehen gola ospatzen. ©STR / EFE

Ez du hozka egin

Iñaki Berastegi

Athleticek 0-2 galdu du Real Madrilen aurka Superkopako finala, Modricen eta Benzemaren golekin. Madrildarrak nagusi izan badira ere, Athleticek azken txanpan estutu du. Courtois atezainak penalti bat gelditu dio Raul Garciari.

Alaveseko jokalariak, Madrili sartutako goletako bat ospatzen. ©LA LIGA

Asteko azkena, Realarentzat izan ezik

Ainara Arratibel Gascon

Alavesek, Athleticek eta Eibarrek ligako norgehiagokak dituzte gaur. Realean hainbat COVID-19 kasu azaldu dira, eta ez du jokatuko

Joseba Ezkurdia, atzoko norgehiagokan egindako tantoetako bat ospatzen. ©IÑIGO URIZ / FOKU

Ez dute esan azken hitza

Ainara Arratibel Gascon

Ezkurdia-Tolosak 22-18 irabazi diete Altuna III.a-Martijari. Partida gogorra eta parekatua izan da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.