Noiz sortua: 2019-02-23 00:30:00

PASCALEN ESFERATIK

Haurtzaroko lurrak

Xabier Amuriza -

2019ko otsailak 23

Haurtzaroko lur mugatuak oinkatzea asko kostatzen zait, euretan falta direnen tristuragatik. Gehiago kostatzen zait beste lur mugagabeei zentzua hartzea, euretan nire haurtzaroa falta delako. Oroimeneko bizilagunak ez dira zahartzen. Haurtzaroko haurrek haur jarraitzen dute eta nerabezaroko nerabeek, nerabe. Ilargi erdiak zergatik pozten ote nau beti, eta ilargi osoak tristatzen, ia beti?

Nire gauzak neuri bakarrik interesatzea ez dago gaizki. Oso ondo konpontzen naiz neure pentsamenduekin, kontrakoenak barne. Gero, pertsonekin topo egitean, gutxi egokitzen zaizkit ongi. Bai, Pascal! Izateko arrazoiak badira. Dudan dagoena da zer izan nahi dugun. Horretan, zu eta ni esfera ezberdinetan gaude. Zu frantses konbiktua zara, eta ni, homologo biziraule bat.

«Jakin-mina ez da banitatea baizik diozu. Gehienetan, zerbait jakin nahi dugu, hartaz hitz egiteko bakarrik». Dena besteentzat ikasi bagenu bezala. Argi! Norbaitek oso jakintsuaren inpresioa utzi badizu, agian ez zara ohartu dakien guztia esan dizula. Jakiteak ez du trabarik, baina jakite batzuen bizikidetza zaila da. Jakintsu handiek oso gutxi dakite jakin beharrekoak diren gauzetan.

Bizitza zer den azkenean jakiten dela esan dizunak argi dago bizitza alferrik galdu duela. Egia da bizitza osoa behar dela, bizitza zer den jakiteko, baina orduan ez du ezertarako balio. Azkena beti dela galtze bat ere esango dizute. Nik diotsut ez duzula ezer galduko, zegoena baliatu baizik. Bitartean, ez nazazu itsutu, arren. Begiak ateratzen badizkidazu, zeureetatik begiratuko dizut. Jarraitzen, Pascal? Ongi bizi naiz, bai, hilda ere egon bainintekeen. Gaizki nabilenean, gutxi animatzen nau entzuteak beste bat zer ondo dabilen. Horregatik, badaezpada, gaizkiago daudenak bisitatzen ditut. Burua joaten? Utziozu, baduzula dakizun bitartean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Lehen arretako profesionalen protesta bat, iaz, Gasteizen. ©ENDIKA PORTILLO / FOKU

Murgak egoera hauskorraz ohartarazi du, 15 kutsatu gehiagoren berri emanda

Ane Eslava

Egoera «kontrolpean» dagoen arren, «zuhurtzia» eskatu du. Nafarroan ez da kasu berririk egon. Lehen arretako langileek protesta egin dute

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna