Hegazkin

'Haize beltzak'

Diskoetxea: Mukuru.

2021eko urriaren 3a
00:00
Entzun
Beste estilo batzuetan aritu ondoren, poparekin eta elektronikarekin jolasean hasteak elkartu ditu Alayn Carazo Iturriaga eta Iosu Isaias Villanueva Castro Isuo, eta duela gutxi argitaratu dute Haize beltzak, euren Hegazkin proiektuaren lehen diskoa, Mukuru kolektiboaren zigilupean. Sintetizadoreak oinarri nagusi, gitarra elektrikoaren laguntzaz eta ahotsari ere garrantzirik kendu gabe landu dituzte sei abestiak, entzuteko errazak, lehen entzunalditik azkar sartu, gustura irentsi, erraz digeritu eta gehiagorako gogoa emanez. Pop elektronikoa edo synth pop delakoa gustuko dutenek benetan kontuan hartu beharreko bikotea, baina zale ez den beste edozein ere berehala harrapatu dezaketen horietakoa.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.