'Rwanda... You See Ghosts, I See Sky'

Hauxe da The Good Ones Ruandako bikotearen lan luzea. 28 urte pasatu eta gero, hango genozidioaren berri ematen jarraitzen dute bi musikariek, horretarako, aurrekoetan bezala, beren esperientzia pertsonalak oinarritzat hartuta. Berriro ere, Ian Brennan ekoizle ezagunarekin lan egin dute (Tinariwen, Ramblin Jack Elliot...), eta afro musikaren topikoetatik urrun samar kokatu beharreko kantu-bilduma ondu dute. Gitarra akustikoak eta ahots askotan gordinek hezurmamitutako diskoa da, non erritmo ia hautsiak diren nagusi. Nolabait azaltzeko, songwriter-aren eta afro musikariaren zubian kokatu beharrekoa da Rwanda... You See Ghosts, I See Sky hau.