The Black Halos
'How the Darkness Doubled'
Diskoetxea: Stomp records.
Urte txarra izan zen 2009a Glammy Punk Rockzaleentzat, Vancouverreko (Kanada) taldeak bere momenturik onenean agur esan baitzigun. Backyard Babiesek ere beste hainbeste egin zuen. Orain, era xumean elkartu, eta hiru single eta E.P. baten ondoren, itzulera garailea gauzatu dute disko boteretsu honen argitaratzearekin. Ereserki bizkor eta zikinak dira nagusi, baina glam osagaiak ere badu bere lekua kantu askotan. Gantxo handiko errepikez gain, koru adiktiboak ere topa ditzakegu nonahi; adibidez, eta bereziki, You can't take back the night eta All my friends are like drugs piezetan. Gauzak horrela, ez dugu Better days singlearen sintetizadoreek sortu diguten harridura ukatuko. Finean, mende berriko punk rock zaleentzat opari galanta.
Iruzkinak
Ez dago iruzkinik
Ordenatu