Garesti ordaintzen den onddoa

Erromanikoa eta mikologia dira Orbaibarko ezaugarri nagusietako bi. Lur egokiak ditu boilurrak hazteko, eta horregatik ospatzen da han urtero Nafarroako boilurraren eguna eta haren barruan azoka. Bihar eginen dute hamaseigarrena, eta, aurten, Orisoainen antolatu dute. 11:00etan hasi, eta goiz osoan jarduerak izanen dira: azoka jarriko dute; boilur-bilaketa erakustaldiak egingo dituzte txakurrekin eta basurdeekin; Miguel Angel Mateo sukaldariak boilurrekin kozinatuko du jende aurrean; eta Tuber saria banatuko dute. Eguna bukatzeko, herri bazkaria eginen dute: boilurrekin ondutako dastatze menua.

Nafarroako boilurraren azoka

Bihar, 11:00etatik aurrera, Orisoainen (Nafarroa).