Azoka
Landa produktuak eta gozoak eskura
Zamudioko azokak (Bizkaia) 100 postutik gora bilduko ditu, gaur eta bihar. Gozo eta Artisautza Azokarekin hasi dute eguna, eta 50 postutik gora egongo dira. Biharkoa izango da egunik garrantzitsuena, ordea: euskal nekazaritza produktuen topaleku bihurtuko dute Kotxozulo parkeko erakustazoka, barazkiekin, frutekin, txakolinarekin eta eztiarekin, esate baterako. Azokaz harago, ordea, hainbat jarduera antolatu dituzte. Besteak beste, Bizkaiko XVIII. Limusin Ganadu Txapelketa, artisau garagardo, gazta eta txakolin dastaketak eta elikagaiak alferrik ez galtzeko sukaldaritza erakustaldia egingo dituzte.
Iruzkinak
Ez dago iruzkinik
Ordenatu