'What a Wonderful Industry'

Hartzen badugu folk pixka bat, pop apurrekin nahastu, country aleren bat gehitu, eta dena arriskuak bere gain hartzeko ikuspuntu ausartarekin (edo lotsagabearekin) nahastu... Bada, horrelako disko bikainak gerta daitezke, ala ez. Eskerrak M. Ward sinadura ikusiz gero baduzula nahiko ziurtasun baieztatzeko osagarri horiek guztiak kantu sorta, besterik ez bada, txinpartadunakbihurtuko direna. Beraz, baduzu arrazoi nahiko disko honi zure bizitzaren hiru ordu laurden eskaintzeko. Estimatuko duzula uste dut, zaila baita garaiotan hamabi kantu, bere horretan, hainbesteko zentzua hartzen duten disko batean topatzea. Kantu bakoitza single bat izan daiteke-eta. Egin proba, eta ikusiko duzue nola pop-folk estandarraren bideetan, oraindik badiren M. Ward bezalako bidelapurrak, gauza interesgarriakegiteko prest.