Musika. Camille Granlien
'Jen gär i tusen tanker'
Diskoetxea: Ta:lik records.
Lehenengo diskoa kaleratu zuenetik 2005ean, ibilbide emankorra egin du kantari norvegiarrak. Hauxe du bakarkako zazpigarrena, eta sekulako gozamena da kantatzen entzutea. Norvegiako herri musika du langai, eta folk ingelesaren estiloko moldaketa minimalistarekin janzten ditu ahots indartsu eta bikainak protagonismo ia osoa hartzen duten kantuak. Pianoa du lagun disko honetan, eta oinarri ezin hobea gertatzen da kantariarentzat, bere isiltasun eta lerro melodiko sinpleekin indarra gehitzen baitie, berez, ahotsarekin bakarrik indartsu diren kantuei. Bai, sekulako gozamena da horrela kantatzen entzutea, eta ez da batere astuna gertatzen. Ez duzu arriskurik hartuko disko hau entzuterakoan.
Iruzkinak
Ez dago iruzkinik
Ordenatu