Musika. Christine Salem
'Mersi'
Diskoetxea: Blue Fanal.
Hirugarren disko luzea du Christine Salemek. Reunion irlako kantaria emakume bakanetakoa omen da Maloya estiloa lantzen. Ahots indartsua eta nortasun handia du oholtzan Salemek, ezinbestekoak biak ala biak leku bat egiteko generoaren erakusleihoetan. Mersi disko berriak, ordea, harantzago doan artista erakusten digu. Horrela erakusten digute rock eta pop eraginek, herri musika bereganatzeko moduek, eta mendebalde/Afrika zubi musikal labainkorrean ez irristatzeko erabaki irmoak. Dena dela, haren ahotsak zein Afrikak Indiako Ozeanoarekin bat egiten duen esparru horretako zaporeek egiten dute interesgarri disko hau.
Iruzkinak
Ez dago iruzkinik
Ordenatu