2019ko apirilaren 27a
00:00
Bildumazaleen XVII. Feria antolatu du Bitxikiak Bildumazaleen Elkarteak, Mungian (Bizkaia), gaur eta bihar. 10:00etan emango diote hasiera, Udal Kiroldegian, eta han egingo dira ekintza nagusiak. Berrogei postutik gora egongo dira ikusgai, eta, besteak beste, bildumak mantentzeko eta sailkatzeko hainbat modu irakatsiko dituzte adituek. Jostailuak, bitxiak, kromoak, biniloak eta beste hainbat objektu ikusteko aukera ere egongo da. Udaletxean, Telegrafoa erakusketa izango da: Kepa Feirek ikusgai jarriko ditu makina horren tresnak feriak iraun bitartean, baita ondorengo egunetan ere.
Bildumazaleen feria
Gaur eta bihar, 10:00etatik aurrera, Mungian (Bizkaia).