12.000 lagunen atxikimendua 11/13 auzikoei

Irailean Espainiako Auzitegi Nazionalean epaituko dituzten 47 herritarrek egin dituzte jada irailaren 14an Bilbon antolatuko duten manifestaziorako izapideak, eta manifestazioa «jendetsua» izango dela espero dute. Beñat Zarrabeitiak eta Ibon Meñikak azaldu dute 12.000 herritarrek baino gehiagok atxikimendua adierazi diotela 47 auzipetuen aldeko agiriari. «Epaiketak iraganera eta sufrimendu egoeretara eraman nahi gaitu», esan du Zarrabeitiak: «Beharrezkoa da ateak zabaltzea etorkizun kolektibo hobe bati».