Sanchezek Espainiako presidente kargua hartu du

Pedro Sanchez Espainiako presidente berriak (PSOE) karguaren zina egin zuen atzo Madrilgo Zarzuela jauregian, Felipe VI. erregearen bizilekuan. Sanchezek ekintza hori egiten zuen bigarren aldia zuen, eta, lehen aldian bezala, Espainiako Konstituzio baten gainean egin zuen. Francoren diktaduraz geroztik, Bibliarik eta gurutzerik gabe zin egin duen presidente bakarra da. Presidenteaz eta erregeaz gain, ekitaldian izan ziren, besteak beste, Kongresuko eta Senatuko presidenteak, Justizia ministroa, eta Auzitegi Goreneko eta Konstituzionaleko presidenteak.